തിരുവനന്തപുരം: പതിനഞ്ചാം കേരള നിയമസഭയുടെ 12ാം സമ്മേളനം ഒക്ടോബര് നാല് മുതല് വിളിച്ചു ചേര്ക്കാന് ഗവര്ണറോട് ശുപാര്ശ ചെയ്യാന് തീരുമാനം. മന്ത്രിസഭാ യോഗത്തിലാണ് തീരുമാനം.വയനാട് ദുരന്തത്തില് കേന്ദ്രത്തിന് സമര്പ്പിച്ച മെമ്മോറാണ്ടത്തിലെ വിവരങ്ങളും ചര്ച്ചയായി.
കണക്കിലെ വിവാദം ദോഷം ചെയ്യുമെന്ന് മന്ത്രിസഭാ യോഗത്തില് മന്ത്രിമാര് അഭിപ്രായപ്പെട്ടു. മെമ്മോറാണ്ടത്തിലെ വിവരങ്ങള് റവന്യു മന്ത്രി കെ രാജന് മന്ത്രിസഭായോഗത്തില് വിശദീകരിച്ചു.
തിരുവനന്തപുരം, ആലപ്പുഴ, കോട്ടയം, എറണാകുളം, കോഴിക്കോട്, കണ്ണൂര് എന്നിവിടങ്ങളിലെ ആറ് മൊബൈല് കോടതികളെ റഗുലര് ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതികളാക്കാനും മന്ത്രിസഭാ യോഗം തീരുമാനിച്ചു.പുതുതായി 21 തസ്തികകള് സൃഷ്ടിക്കും. ക്രിമിനല് കോടതികളില് അനുവദിച്ചിട്ടുള്ള 16 തസ്തികകള് പരിവര്ത്തനം ചെയ്യും.
ഫാമിലി ബഡ്ജറ്റ് സര്വ നടത്താനും തീരുമാനമായി. 1948ലെ മിനിമം വേജസ് ആക്ടിന്റെ പരിധിയിലുളള തൊഴിലാളികളുടെ വേതനം പുതുക്കുന്നതുമായി ബന്ധപ്പെട്ട് പുതിയ ഉപഭോക്തൃ വില സൂചിക തയാറാക്കുന്നതിനാണ് ഫാമിലി ബഡ്ജറ്റ് സര്വേ നടത്തുന്നത്. 2023-24 അടിസ്ഥാന വര്ഷം കണക്കാക്കി എക്കണോമിക്സ് ആന്റ് സ്റ്റാറ്റിസ്റ്റിക്സ് വകുപ്പ് സമര്പ്പിച്ച ശുപാര്ശ പ്രകാരമാണ് സര്വേ.
ഇതു സംബന്ധിച്ച കാര്യങ്ങളുടെ നിയന്ത്രണത്തിന് സംസ്ഥാനതല കണ്സ്യൂമര് െ്രെപസ് ഇന്ഡക്സ് റിവിഷന് കമ്മിറ്റി രൂപീകരിക്കും. ഡെപ്യൂട്ടി ഡയറക്ടര്1, റിസര്ച്ച് അസിസ്റ്റന്റ്1, എല്ഡി കമ്പയിലര്/ എല്ഡി ടൈപ്പിസ്റ്റ്2 എന്നീ തസ്തികകള് പതിനെട്ട് മാസത്തേക്ക് സൃഷ്ടിക്കും. പുനര്വിന്യാസത്തിലൂടെ ഈ തസ്തികകളിലേയ്ക്ക് നിയമനം നടത്തും.22ഫീല്ഡ് വര്ക്കര്മാരെയും പ്രതിദിനം 600 രൂപ വേതനത്തില് 18 മാസ കാലയളവിലേക്ക് നിയമിക്കും.
ആലുവ മുനിസിപ്പാലിറ്റിയില് നാഷണല് ആയുഷ് മിഷന്ന്റെ കാരുണ്യ പദ്ധതിയില് ഉള്പ്പെടുത്തി ഹോമിയോ ഡിസ്പെന്സറി ആരംഭിക്കും കരകൗശല വികസന കോര്പ്പറേഷന് കേരള ലിമിറ്റഡില് മനേജിംഗ് ഡറയക്ടറായി ജി എസ് സന്തോഷിനെ നിയമിക്കും. കോഴിക്കോട് സൈബര്പാര്ക്കിനോട് ചെര്ന്നുളള 20 സെന്റ് സ്ഥലം സൈബര്പാര്ക്കിനായി ഏറ്റെടുക്കാന് ഭരണാനുമതി നല്കി.
അഷ്ടമുടിക്കായലിലെ ദേശീയ ജലപാതയ്ക്കായി ഡ്രഡ്ജ് ചെയ്ത ഭാഗത്തെ സ്പോയില് ദേശീയ പാത 66 ന്റെ പ്രവൃത്തിക്ക് വില ഈടാക്കാതെ നല്കും.
