മേദിനിപൂർ: പശ്ചിമ ബംഗാളിൽ ബിജെപി ബൂത്ത് പ്രസിഡൻ്റ് വിജയ് കൃഷ്ണ ഭൂയാൻ കൊല്ലപ്പെട്ട കേസിൽ എൻഐഎ ചൊവ്വാഴ്ച വിവിധ സ്ഥലങ്ങളിൽ തിരച്ചിൽ നടത്തി. പുലർച്ചെ രണ്ട് മണിയോടെ മൊയ്‌നയിൽ എത്തിയ എൻഐഎ സംഘം ഗോരമഹലിലെ വിവിധ സ്ഥലങ്ങളിലും മൊയ്ന, പുർബ മേദിനിപൂർ സമീപ പ്രദേശങ്ങളിലും പരിശോധന നടത്തി.
2023 മെയ് മാസത്തിലാണ് ഭൂയാൻ തട്ടിക്കൊണ്ടുപോയി കൊലചെയ്യപ്പെട്ടത്. തുടർന്ന് ഇയാളുടെ കുടുംബാംഗങ്ങൾ മൊയ്‌നാപോലീസ് സ്റ്റേഷനിൽ രേഖാമൂലം പരാതി നൽകുകയും എൻഐഎ അന്വേഷണം ആവശ്യപ്പെട്ട് കൊൽക്കത്ത ഹൈക്കോടതിയെ സമീപിക്കുകയും ചെയ്തു.
ബിജെപി ബൂത്ത് പ്രസിഡൻറ് വിജയ് കൃഷ്ണ ഭൂയാൻ കൊല്ലപ്പെട്ട കേസ് അന്വേഷിക്കാൻ ഈ വർഷം മേയിൽ എൻഐഎ സംഘം പുർബ മേദിനിപൂരിലെ മൊയ്ന സന്ദർശിച്ചിരുന്നു.
