തൃശ്ശൂര്‍: പി.വി. അന്‍വറിന്റെ ആരോപണങ്ങളുടെ പശ്ചാത്തലത്തില്‍ സംസ്ഥാന ഭരണം ആരുടെ കൈയിലാണെന്ന് മുഖ്യമന്ത്രി ജനങ്ങളോട് പറയണമെന്ന് ബിജെപി സംസ്ഥാന ഉപാധ്യക്ഷ ശോഭാ സുരേന്ദ്രന്‍.
എം. ശിവശങ്കരനെ പോലെ എഡിജിപി അജിത് കുമാറിനെ വളര്‍ത്തുകയാണ് മുഖ്യമന്ത്രി. അഞ്ചംഗ കള്ളക്കടത്ത് സംഘത്തിന്റെ തലവന്‍ മുഖ്യമന്ത്രിയാണ്. അതിലെ ഒരാളാണ് അജിത് കുമാര്‍.
കേസ് കേന്ദ്ര ഏജന്‍സികള്‍ക്ക് വിടണം. അന്‍വര്‍ ഹരിശ്ചന്ദ്രനല്ല. നാട് നന്നാക്കാനാണ് ഇതൊക്കെ ചെയ്തതെങ്കില്‍ ഒരു ടിക്കറ്റ് എടുത്ത് ദല്‍ഹിയില്‍ പോയി കേന്ദ്രത്തിന് വിവരങ്ങള്‍ നല്കണം.
മുഹമ്മദ് റിയാസിന്റെയും മുഖ്യമന്ത്രിയുടെയും അറിവില്ലാതെ അന്‍വര്‍ ഇതൊന്നും പറയില്ല. കേരളത്തില്‍ വ്യാപകമായി മാര്‍ക്‌സിസ്റ്റ് പാര്‍ട്ടിയുടെ നേതൃത്വത്തില്‍ സ്വര്‍ണക്കടത്ത് നടക്കുന്നതിന്റെ തെളിവാണ് പുറത്തുവരുന്നത്. കേന്ദ്ര സംഘത്തിന്റെ അന്വേഷണം നടന്നാല്‍ ഇതൊക്കെ പുറത്തുവരും, ശോഭാ സുരേന്ദ്രന്‍ പറഞ്ഞു.
