പുണെ : വയോധികനെ പെണ്കെണിയില് കുടുക്കാന് ശ്രമിച്ച മൂന്ന് യുവതികളെ പൊലീസ് പിടികൂടി. യുവതികള്ക്ക് സഹായം നല്കിയ പൊലീസുകാരനായി അന്വേഷണം ആരംഭിച്ചു. മഹാരാഷ്ട്രയിലാണ് സംഭവം.
വയോധികനോട് യുവതികള് അഞ്ചുലക്ഷം രൂപയാണ് ആവശ്യപ്പെട്ടത്. വിശ്രാംബാഗ് പൊലീസാണ് കേസ് രജിസ്റ്റര് ചെയ്തത്. ജൂലായ് 29നാണ് സംഭവം.
സബ് ഇന്സ്പെക്ടര് കാശിനാഥിന്റെ സഹായത്തോടെ വയോധികനെ ഭീഷണിപ്പെടുത്തി പണം തട്ടലായിരുന്നു യുവതികളുടെ ശ്രമം.യുവതികളുടെ സംരക്ഷണത്തിനായി പ്രവര്ത്തിക്കുന്ന സമിതിയില് അംഗമാണ് കാശിനാഥ്.
ശനിയാഴ്ചയാണ് 64 കാരന് പൊലീസില് പരാതി നല്കിയത്. ഒരു പെണ്കുട്ടി ഇയാളെ ലോഡ്ജിലേക്ക് വിളിച്ചു വരുത്തി സംസാരിച്ചിരിക്കെ മുറിയിലേക്ക് കടന്നു വന്ന മറ്റുള്ളവര് വയോധികനെ ഭീഷണിപ്പെടുത്തിയശേഷം ശാരീരികമായി ഉപദ്രവിക്കുകയായിരുന്നു. അഞ്ച് ലക്ഷം രൂപ നല്കണമെന്നും ആവശ്യപ്പെട്ടു. ബലംപ്രയോഗിച്ച് കാറില് കയറ്റി എടിഎമ്മിലെത്തിച്ചു പണം പിന്വലിക്കാന് ആവശ്യപ്പെട്ടെന്നും കൈവശമുള്ള സ്വര്ണം വില്ക്കാനും ശ്രമം നടത്തിയതായി പൊലീസിനു നല്കിയ പരാതിയില് പറയുന്നു.
