കൊച്ചി: പളളി ഏറ്റെടുത്ത് കൈമാറാനുളള സുപ്രീം കോടതി ഉത്തരവിന്റെ പശ്ചാത്തലത്തില്‍ പൊലീസ് സംഘം മഴുവന്നൂര്‍ സെന്റ് തോമസ് യാക്കോബായ സുറിയാനി കത്തീഡ്രല്‍ പള്ളിയിലെത്തി.
ഈ മാസം 25 നുള്ളില്‍ പള്ളി ഏറ്റെടുത്തു കൈമാറാണമെന്ന് ഹൈക്കോടതി പൊലീസിന് നിര്‍ദ്ദേശം നല്‍കിയിരുന്നു.അതിനിടെ ഞായറാഴ്ച പ്രാര്‍ത്ഥനയ്‌ക്ക് എത്തിയ വിശ്വാസികള്‍ പ്രതിഷേധവുമായി പള്ളിയില്‍ തുടരുകയാണ്.
കോതമംഗലം പുളിന്താനം സെന്റ് ജോണ്‍സ് ബസ്ഫാഗെ യാക്കോബായ പള്ളിയിലും പൊലീസ് എത്തി. ഇവിടേയും വിശ്വാസികള്‍ പ്രതിഷേധിക്കുന്നുണ്ട്.
മുമ്പ് പല പ്രാവശ്യം പൊലീസ് പള്ളിയിലെത്തിയിരുന്നെങ്കിലും വിശ്വാസികളുടെ പ്രതിഷേധം കാരണം പിന്തിരിയുകയായിരുന്നു.ഞായറാഴ്ച വൈകുന്നേരം അപ്രതീക്ഷിതമായി പൊലീസ് എത്തിയതോടെ പ്രാര്‍ത്ഥന കഴിഞ്ഞ വിശ്വാസികള്‍ മടങ്ങിപ്പോവാതെ പള്ളിയില്‍ തന്നെ തുടരുകയായിരുന്നു.
തിങ്കളാഴ്ച രാവിലെ 6 മണിക്കുള്ളില്‍ നടപടി സ്വീകരിക്കുമെന്നാണ് പൊലീസ് പറയുന്നത്. നിലവിലുള്ള വിശ്വാസികളെയല്ലാതെ മറ്റാരെയും പള്ളിയിലേക്ക് പ്രവേശിപ്പിക്കില്ലെന്ന് പൊലീസ് പറഞ്ഞു.
