കൊല്ലം: കെഎസ് ആര്‍ടിസി ബസ് മോഷ്ടിച്ച് കടത്താന്‍ ശ്രമിച്ച യുവാവ് പിടിയില്‍. പുനലൂര്‍ ഡിപ്പോയ്‌ക്ക് സമീപം റോഡഴികെ നിര്‍ത്തിയിട്ടിരുന്ന ബസ് മോഷ്ടിച്ച് കടത്താന്‍ ശ്രമിച്ച തെന്മല സ്വദേശി ബിനീഷിനെയാണ് പൊലീസ് പിടികൂടിയത്.
രാത്രി പരിശോധന നടത്തുകയായിരുന്ന പൊലീസുകാരാണ് ഇയാളെ പിടികൂടിയത്. ഹെഡ് ലൈറ്റ് ഇടാതെ വന്ന ബസ് പൊലീസുകാര്‍ നിര്‍ത്താന്‍ ആവശ്യപ്പെട്ടതോടെയാണ് പ്രതി കുടുങ്ങിയത്.
പൊലീസുകാര്‍ കൈ കാണിച്ചപ്പോള്‍ ദൂരെ മാറി ബസ് നിര്‍ത്തുകയായിരുന്നു. തുടര്‍ന്ന് ഓടി രക്ഷപ്പെടാന്‍ ശ്രമിക്കുന്നതിനിടെ പിടിയിലായി.
ഡിപ്പോയിലെ സ്ഥലപരിമിതി മൂലം പല ബസുകളും റോഡില്‍ നിര്‍ത്തിയിടുന്നതാണ് മോഷ്ടാവിന് സൗകര്യമായത്.
