കോഴിക്കോട് : മടപ്പള്ളി സര്‍ക്കാര്‍ കോളേജ് വിദ്യാര്‍ഥിനികളെ സീബ്ര ലൈനില്‍ വച്ച് ബസിടിച്ച് തെറിപ്പിച്ച സംഭവത്തില്‍ ഡ്രൈവര്‍ അറസ്റ്റില്‍.കൊയിലാണ്ടി സ്വദേശിയായ മുഹമ്മദ് ഫുറൈസ് കിലാബിനെയാണ് പൊലീസ് പിടികൂടിയത്.
ഒളിവില്‍ പോയ മുഹമ്മദ് ഫുറൈസ് കിലാബിനെ ചോമ്പാല പൊലീസ് ആണ് അറസ്റ്റ് ചെയ്തത്. ഈ മാസം എട്ടിനായിരുന്നു അപകടം. ബസ് പൊലീസ് കസ്റ്റഡിയില്‍ എടുത്തു.
അമിത വേഗതയില്‍ വാഹനം ഓടിക്കുക, അശ്രദ്ധമായി വാഹനം ഓടിക്കുക, മനുഷ്യ ജീവന് ഹാനിയുണ്ടാക്കുന്ന തരത്തില്‍ വാഹനം ഓടിക്കുക എന്നീ വകുപ്പുകള്‍ ചുമത്തിയാണ് പ്രതിയെ അറസ്റ്റ് ചെയ്തത്.അപകടമുണ്ടായ ഉടന്‍ ഡ്രൈവറും കണ്ടക്ടറും ബസില്‍ നിന്ന് ഇറങ്ങി ഓടി.
അയ്യപ്പന്‍ എന്ന ബസിലെ ഡ്രൈവറാണ് മുഹമ്മദ് ഫുറൈസ് കിലാബ്.കണ്ണൂരില്‍ നിന്നും കോഴിക്കോട് ഭാഗത്തേക്ക് പോവുകയായിരുന്ന ബസാണ് വിദ്യാര്‍ത്ഥിനികളെ ഇടിച്ചത്. മൂന്ന് വിദ്യാര്‍ത്ഥിനികള്‍ക്ക് അപകടത്തില്‍ പരിക്കേറ്റു.
