മലപ്പുറം: പ്രായപൂര്‍ത്തിയാകാത്ത മകളെ ലൈംഗികമായി പീഡിപ്പിച്ചതിന് മലപ്പുറം സ്വദേശിക്ക് 101 വര്‍ഷം കഠിനതടവ് വിധിച്ച് കേരളത്തിലെ കോടതി. മലപ്പുറത്തെ അതിവേഗ കോടതിയാണ് പെണ്‍കുട്ടിയുടെ പിതാവായ എച്ച്. മുഹമ്മദിന് 101 വര്‍ഷത്തെ കഠിന തടവ് വിധിച്ചത്.
ആരോഗ്യപ്രശ്നത്തെതുടര്‍ന്ന് മകള്‍ ഗര്‍ഭിണിയായെന്ന് ആരോഗ്യപ്രവര്‍ത്തകര്‍ കണ്ടെത്തിയതോടെയാണ് സംഭവം പുറത്തായത്. മലപ്പുറം മഞ്ചേരിയിലെ അതിവേഗ കോടതി-രണ്ട് ആണ് 41 വയസ്സായ എച്ച്. മുഹമ്മദിന് 101 വര്‍ഷത്തെ കഠിനതടവ് വിധിച്ചത്. ഒരു ലക്ഷം രൂപ പിഴയും വിധിച്ചു.
BREAKING: A Kerala Court has sentenced 43 year old Muhammed H., father of a minor girl who raped her for six years and finally impregnated her at 16, to 101 years in Jail along with a life imprisonment.
Court says the man deserves “no mercy”. pic.twitter.com/6zu58YHVly— LawBeat (@LawBeatInd) July 2, 2024
പരാതിക്കാരിയെ സ്വാധീനിക്കാന്‍ സാധിക്കും എന്നതിനാല്‍ എച്ച്. മുഹമ്മദിന് ജാമ്യം നല്‍കരുതെന്ന് പൊലീസ് വാദിച്ചിരുന്നു. 16 വയസ്സുകാരിയായ മകളെ കഴിഞ്ഞ ഏഴ് വര്‍ഷമായി മുഹമ്മദ് ലൈംഗികമായി പീഡിപ്പിച്ചുവരികയായിരുന്നു. തന്റെ ഭാര്യയോടും രണ്ട് മക്കളോടും ഒപ്പം കഴിയുന്ന വീടിനുള്ളില്‍ വെച്ച് തന്നെയാണ് ഇയാള്‍ മകളെ പീഡിപ്പിച്ചിരുന്നത്.
2006ല്‍ ജനിച്ച മകളെ പത്താം വയസ്സുമുതല്‍ ഇയാള്‍ പീഢിപ്പിക്കുന്നതായി പറയുന്നു. പോക്സോ, ജുവനൈല്‍ ജസ്റ്റിസ് ആക്ട്, ഇന്ത്യന്‍ ശിക്ഷാനിയമം എന്നിവ പ്രകാരമാണ് ഇയാളെ ശിക്ഷിച്ചത്. “മകള്‍ക്ക് സംരക്ഷണം നല്‍കേണ്ട പിതാവ് തന്നെ അവളെ തുടര്‍ച്ചായായി പീഢിപ്പിച്ചു. ഒടുവില്‍ 16ാം വയസ്സില്‍ പെണ്‍കുട്ടി ഗര്‍ഭിണിയാകുന്നത് വരെ ഇത് തുടര്‍ന്ന്. ഇത് സാധാരണ ലൈംഗിക കുറ്റമല്ല.” – വിധി പ്രസ്താവിച്ച ജ‍ഡ്ജി പറഞ്ഞു.
അമ്മ ഉറങ്ങിക്കിടക്കുമ്പോഴോ വീട്ടില്‍ ഇല്ലാതിരിക്കുമ്പോഴോ ആണ് ഇയാള്‍ ഇങ്ങിനെ ചെയ്തത്. പെണ്‍കുട്ടിയെ ഗര്‍ഭഛിദ്രം നടത്തി. അതിന് ശേഷം അരീക്കോട് പൊലീസ് പെണ്‍കുട്ടിയുടെ പരാതിയില്‍ കേസെടുത്തു. പലപ്പോഴും എല്ലാവീടുകളിലും പിതാക്കന്മാര്‍ ഇങ്ങിനെ കുട്ടികളോട് ചെയ്യുമെന്ന് പറഞ്ഞാണ് ഇയാള്‍ മകളെ നിര്‍ബന്ധിച്ച് ലൈംഗിക പീഡനത്തിന് വിധേയമാക്കിയത് എന്നും പറയുന്നു.
