ന്യൂദല്ഹി: എന്ഡിഎയുടെ വിജയം പ്രധാനമന്ത്രി നരേന്ദ്ര മോദിയുടെ വിജയമാണെന്ന് ലോക് ജനശക്തി പാര്ട്ടി (രാം വിലാസ്) അധ്യക്ഷനും ബിഹാറിലെ ഹജിപൂര് മണ്ഡലം എംപിയുമായ ചിരാഗ് പാസ്വാന്. ലോക്സഭാ തെരഞ്ഞെടുപ്പില് ബിജെപി നേതൃത്വം നല്കുന്ന എന്ഡിഎയുടെ വിജയത്തെ ആര്ക്കും നിരാകരിക്കാന് സാധിക്കില്ല. അത് പ്രധാനമന്ത്രിയുടെ നേതൃത്വത്തിന്റെ വിജയമാണ്. അദ്ദേഹം കാരണമാണ് എന്ഡിഎയ്ക്ക് ഭൂരിപക്ഷം നേടാന് സാധിച്ചത്, ചിരാഗ് പാസ്വാന് പറഞ്ഞു.
‘എന്റെ പ്രധാനമന്ത്രി മൂന്നാമതും പ്രധാനമന്ത്രിയാകാന് പോകുന്നു. ബുധനാഴ്ച എന്ഡിഎ നേതാക്കളുടെ യോഗം ചേര്ന്നു. തെരഞ്ഞെടുപ്പ് വിജയം പ്രധാനമന്ത്രിയുടെ നേതൃഗുണത്തിന്റെ വിജയമാണെന്നത് ആരും നിഷേധിച്ചില്ല. വന് ലക്ഷ്യമായിരുന്നു മുന്നിലുണ്ടായിരുന്നത്. എന്നാല് അതില് കുറച്ച് ഇടിവുണ്ടായി. എന്ഡിഎയ്ക്ക് അനുകൂലമായി മൂന്നാമതും ജനവധിയുണ്ടായി എന്നത് സാധാരണ കാര്യമല്ല. എന്ഡിഎ സഖ്യകക്ഷികളെല്ലാം ഉപാധികളില്ലാതെ തന്നെ ഒരിക്കല് കൂടി പ്രധാനമന്ത്രിയുടെ നേതൃത്വം അംഗീകരിച്ചു, പാസ്വാന് പറഞ്ഞു.
മൂന്നാം വട്ടവും പ്രധാനമന്ത്രി മോദിയെ പിന്തുണയ്ക്കുക എന്നതാണ് ലക്ഷ്യം. ആര് സര്ക്കാരിന്റെ ഭാഗമാകും, ആരാകില്ല, ആര് മന്ത്രിസഭയില് ഉണ്ടാകും ആരുണ്ടാവില്ല എന്നതൊന്നും സഖ്യത്തില് പ്രാധാന്യമുള്ള കാര്യമല്ല. സഖ്യകക്ഷികള് അതാവശ്യപ്പെട്ടു ഇതാവശ്യപ്പെട്ടു എന്നൊക്കെയുള്ള മാധ്യമ വാര്ത്തകള് പോലെ ആരും ഒന്നും ആവശ്യപ്പെട്ടിട്ടില്ല, ചിരാഗ് പാസ്വാന് വ്യക്തമാക്കി.
