ബെർഹാംപൂർ : ഒഡീഷയിലെ ഗഞ്ചം ജില്ലയിൽ ഭരണകക്ഷിയായ ബിജെഡിയുടെ ഗുണ്ടകൾ നടത്തിയ അതിക്രമത്തിൽ ബിജെപി പ്രവർത്തകന് ജീവൻ നഷ്ടപ്പെട്ടു. ആക്രമണത്തിൽ ഏഴ് പേർക്ക് പരിക്കേൽക്കുകയും ചെയ്തു.
ഖല്ലിക്കോട്ട് പോലീസ് സ്റ്റേഷൻ പരിധിയിലെ ശ്രീകൃഷ്ണ ശരണപൂർ ഗ്രാമത്തിൽ ബുധനാഴ്ച രാത്രിയാണ് സംഭവം. തിരഞ്ഞെടുപ്പ് പ്രചാരണത്തിന് പോസ്റ്ററുകൾ പതിച്ചതിനെ ചൊല്ലി ബിജെഡി പ്രവർത്തകർ വാക്കു തർക്കത്തിൽ ഏർപ്പെടുകയും തുടർന്ന് അക്രമത്തിൽ കലാശിക്കുകയുമായിരുന്നു.
ഗ്രാമവാസിയായ ദിലീപ് കുമാർ പഹാന (28) ആണ് മരിച്ചത്. എംകെസിജി മെഡിക്കൽ കോളേജ് ആശുപത്രിയിൽ ചികിത്സയിലിരിക്കെയാണ് ഇയാൾ മരണത്തിന് കീഴടങ്ങിയതെന്ന് പോലീസ് ഉദ്യോഗസ്ഥൻ പറഞ്ഞു.
അതേ സമയം സംഭവത്തിൽ കുറ്റക്കാരായ ബിജെഡി പ്രവർത്തകർക്കെതിരെ നടപടി ഉടൻ എടുക്കണമെന്നാവശ്യപ്പെട്ടു കൊണ്ട് ബിജെപി ജില്ലാ നേതൃത്വം പ്രതിഷേധം നടത്തി.
