തൃശൂര്: തൃശൂര് പൂരത്തിനിടെ വിദേശ വനിതയെ അപമാനിച്ച പ്രതിയെ പൊലീസ് പൊക്കി.തൃശൂര് പൂരം കാണാനെത്തിയ ഇംഗ്ലണ്ടുകാരിയായ വ്ളോഗര്ക്ക് നേരെയാണ് പ്രതി ലൈംഗികാതിക്രമം നടത്തിയത്.
പാലക്കാട് ജില്ലയിലെ ആലത്തൂര് സ്വദേശി സുരേഷ് എന്ന മധു ആണ് കേസില് അറസ്റ്റിലായിരിക്കുന്നത്. സംഭവത്തിന്റെ ദൃശ്യങ്ങള് അതിജീവിത സാമൂഹ്യ മാധ്യമങ്ങളില് പങ്കുവച്ചിരുന്നു.
വിദേശ വനിത പൊലീസില് പരാതിയൊന്നും നല്കിയിരുന്നില്ല.സംഭവത്തിന്റെ ദൃശ്യങ്ങള് ഇന്സ്റ്റാഗ്രാമിലാണ് പങ്കുവെച്ചിരുന്നത്. സംഭവം പുറത്തറിഞ്ഞത് സമൂഹമാധ്യമങ്ങളിെലെ ദൃശ്യങ്ങള് കണ്ടാണ്. വിവാദമായതോടെ പൊലീസ് സ്വമേധയാ കേസെടുത്ത് അന്വേഷണം തുടങ്ങി.
പൂരനാളില് രാത്രിയിലായിരുന്നു അതിക്രമം നടന്നത്.
