ന്യൂയോർക്ക്: സാൻ അൻ്റോണിയോയിൽ 42 കാരനായ ഇന്ത്യൻ വംശജനെ പോലീസ് വെടിവച്ച് കൊന്നു. രണ്ട് ഉദ്യോഗസ്ഥരെ വാഹനം ഉപയോഗിച്ച് ഇടിച്ച് കൊലപ്പെടുത്താൻ ശ്രമിച്ചതിന് ഇയാൾക്കെതിരെ കേസ് നിലവിലുണ്ടായിരുന്നു.
തുടർന്ന് ഏപ്രിൽ 21 ന് ഇയാളെ പിടി കൂടാനെത്തിയ പോലിസിനെ വെട്ടിച്ച് ഇയാൾ കടന്നുകളയാൻ ശ്രമിച്ചു. എന്നാൽ പോലീസ് ഓഫീസർ ടൈലർ ടർണർ വെടിവെച്ചതിനെ തുടർന്ന് സച്ചിൻ സാഹൂ സംഭവസ്ഥലത്ത് വെച്ച് തന്നെ കൊല്ലപ്പെടുകയായിരുന്നു.
ഉത്തർപ്രദേശ് സ്വദേശിയാണ് സാഹു. സാഹു യുഎസ് പൗരനാകാൻ സാധ്യതയുണ്ടെന്ന് ഉദ്യോഗസ്ഥർ പറഞ്ഞു.
