ഭുവനേശ്വര് : ഇന്ത്യന് സൂപ്പര് ലീഗിലെ ആദ്യ സെമി ഫൈനലില് ആദ്യ പാദത്തില് ഒഡീഷ എഫ് സി മോഹന് ബഗാനെ ഒന്നിനെതിരെ രണ്ടു ഗോളുകള്ക്ക് പരാജയപ്പെടുത്തി. തുടക്കത്തില് ഒരു ഗോളിന് പിന്നിലായ ശേഷമാണ് ഒഡീഷയുടെ വിജയം.
മത്സരം ആരംഭിച്ച് മൂന്നാം മിനുട്ടില് തന്നെ മന്വീര് സിംഗ് മോഹന് ബഗാന് വേണ്ടി വല കുലുക്കി. എന്നാല് ലീഡ് ആകെ 11 മിനിട്ടാണ് നീണ്ടുനിന്നത്. കാര്ലോസ് ദെല്ഗാഡോയിലൂടെ ഒഡീഷ സമനില ഗോള് നേടി. ആദ്യ പകുതിയില് തന്നെ 39ാം മിനുട്ടില് റോയ് കൃഷ്ണയുടെ ഗോള് ഒഡീഷയെ മുന്നിലെത്തിച്ചു.
രണ്ടാം പകുതിയില് 67ാം മിനിട്ടില് ബഗാന്റെ അര്മാണ്ടോ സദികു ചുവപ്പ് കണ്ട് പുറത്തായി.പിന്നാലെ 74ാം മിനുട്ടില് ഒഡീഷയുടെ കാര്ലോസ് ഡെല്ഗാഡോയും ചുവപ്പ് കണ്ടു. ഇതോടെ ടീമുകള് 10 പേരായി ചുരുങ്ങി.
കൊല്ക്കത്തയില് 28ാം തീയതി രണ്ടാം പാദ സെമി നടക്കും.
