ന്യൂദല്‍ഹി: ഇസ്രയേല്‍-ഇറാന്‍ യുദ്ധത്തിന് അരങ്ങൊരുന്നു. അതിന്റെ ആദ്യപടിയായി ഇറാന്‍ ഇസ്രയേൽ കമ്പനിയുടെ ഉടമസ്ഥതയിലുള്ള കപ്പൽ പിടിച്ചെടുത്തു.
ഇസ്രയേലിനെ ആക്രമിക്കുമെന്ന് ഇറാന്‍ പ്രഖ്യാപിച്ചിട്ട് മണിക്കൂറുകള്‍ കഴിഞ്ഞ ഉടനെയാണ് സംഭവം. 48 മണിക്കൂറിനുള്ളില്‍ ഇറാന്‍ ഇസ്രയേലിനെ ആക്രമിക്കുമെന്ന് അമേരിക്കയുടെ റിപ്പോര്‍ട്ടുകള്‍.
ശനിയാഴ്ച രാവിലെയാണ് ഇറാൻ സൈന്യം ഇസ്രയേലിന്റെ കപ്പൽ തടഞ്ഞത്. ദുബായിലേക്ക് പോകുകയായിരുന്ന കപ്പൽ ഹോർമുസ് കടലിടുക്കിൽ വച്ചാണ് ഇറാൻ സൈന്യം പിടിച്ചെടുത്തത്. കപ്പലിൽ രണ്ട് മലയാളികൾ ഉൾപ്പെടെ ഇന്ത്യക്കാരുമുണ്ട്. ഇവരെ ബന്ധപ്പെടാന്‍ കഴിയുന്നില്ലെന്ന് ബന്ധുക്കള്‍ അറിയിച്ചു. പാലക്കാട്, കോഴിക്കോട് സ്വദേശികളാണ് കപ്പിലുള്ളതെന്നാണ് വിവരം.
