താനെ: മഹാരാഷ്ട്രയിലെ നവി മുംബൈ ടൗൺഷിപ്പിൽ മനുഷ്യത്വരഹിതമായ രീതിയിൽ പശുക്കളെ അനധികൃതമായി കടത്തിയതിന് നാല് പേർക്കെതിരെ കേസെടുത്തതായി പോലീസ് തിങ്കളാഴ്ച അറിയിച്ചു.
ഞായറാഴ്ച എട്ട് പശുക്കളെ പ്രതികൾ മുംബൈയിലേക്ക് ടെമ്പോ വാഹനത്തിൽ കൊണ്ടുപോകുന്നതിനിടെ തലോജ എംഐഡിസി റോഡിൽ ഒരു പ്രാദേശിക ഹോട്ടൽ ഉടമ ടെമ്പോ തടഞ്ഞു. തുടർന്ന് ഇവരുടെ വാഹനം പരിശോധിച്ചപ്പോഴാണ് പശുക്കളുടെ ദയനീയവസ്ഥ മനസിലാക്കാൻ കഴിഞ്ഞത്. ഉടൻ തന്നെ പ്രദേശവാസികൾ പോലീസിൽ അറിയിക്കുകയായിരുന്നു.
കൃത്യമായ പെർമിറ്റും ഭക്ഷണവും മറ്റ് അവശ്യ ആവശ്യങ്ങളും ഇല്ലാതെയാണ് പശുക്കളെ ടെമ്പോയ്ക്കുള്ളിൽ കയറ്റിയതെന്ന് തലോജ പോലീസ് സ്റ്റേഷനിലെ ഉദ്യോഗസ്ഥൻ പറഞ്ഞു.
