കോഴിക്കോട്: നിയന്ത്രണം വിട്ട കാര് റോഡരികിലെ കലുങ്കില് ഇടിച്ചുകയറിയതിനെ തുടര്ന്ന് ദമ്പതികള്ക്ക് സാരമായി പരിക്കേറ്റു. കൂരാച്ചുണ്ട് സ്വദേശി സണ്ണി(60), ഭാര്യ ഷാലി(50) എന്നിവര്ക്കാണ് പരിക്കേറ്റത്.
തിങ്കളാഴ്ച വൈകിട്ട് നാല് മണിയോടെ താമരശ്ശേരി – മുക്കം റോഡില് മൃഗാശുപത്രിക്ക് സമീപമാണ് അപകടം.റോഡുവക്കിലെ ഓവുചാലിനോട് ചേര്ന്നുള്ള കലുങ്കിലേക്കാണ് മാരുതി ഓള്ട്ടോ കാര് ഇടിച്ചുകയറിയത്.
വാഹനത്തിന്റെ മുന്വശം തകര്ന്നു.ഓടിയെത്തിയ നാട്ടുകാരാണ് രക്ഷാപ്രവര്ത്തനം നടത്തിയത്. ഇരുവരെയും താമരശ്ശേരി താലൂക്ക് ആശുപത്രിയില് പ്രാഥമിക ചികിത്സക്ക് ശേഷം കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റി.
