ന്യൂദല്ഹി: മൊത്തം 75,021 കോടി രൂപ ചെലവുവരുന്ന പ്രധാനമന്ത്രിസൂര്യ ഘര്: മുഫ്ത് ബിജ്ലി യോജനയ്ക്ക് (സൗജന്യ വൈദ്യുതി പദ്ധതി) പ്രധാനമന്ത്രി നരേന്ദ്ര മോദിയുടെ അദ്ധ്യക്ഷതയില് ചേര്ന്ന കേന്ദ്ര മന്ത്രിസഭായോഗം അംഗീകാരം നല്കി.
ഒരു കോടി വീടുകളില് പുരപ്പുറ സൗരോര്ജ്ജ സംവിധാനം സ്ഥാപിച്ച് പ്രതിമാസം 300 യൂണിറ്റ് വൈദ്യുതി സൗജന്യമായി നല്കുന്നതാണ് പദ്ധതി. 2024 ഫെബ്രുവരി 13ന് പ്രധാനമന്ത്രി പദ്ധതിക്ക് സമാരംഭം കുറിച്ചിരുന്നു.
പദ്ധതിയുടെ പ്രധാന ഹൈലൈറ്റുകളില് ഇവ ഉള്പ്പെടുന്നു:
റസിഡന്ഷ്യല് പുരപ്പുറ സൗരോര്ജ്ജത്തിനുള്ള കേന്ദ്ര സാമ്പത്തിക സഹായം (സി.എഫ്.എ).
പദ്ധതിയുടെ മറ്റ് സവിശേഷതകള്
ഫലവും നേട്ടങ്ങളും
ഈ പദ്ധതിയിലൂടെ കുടുംബങ്ങള്ക്ക് വൈദ്യുതി ബില്ലുകള് ലാഭിക്കുന്നതിനും മിച്ചമുള്ള വൈദ്യുതി ഡിസ്കോമുകള്ക്ക് വില്ക്കുന്നതിലൂടെ അധിക വരുമാനം നേടുവാനും കഴിയും. ഒരു കുടുംബത്തിന് ഒരു മാസം ശരാശരി വേണ്ട 300 യൂണിറ്റിലധികം വൈദ്യുതി ഒരു 3 കിലോവാട്ട് സംവിധാനത്തിന് ഉല്പ്പാദിപ്പിക്കാന് കഴിയും.
റെസിഡന്ഷ്യല് മേഖലയിലെ പുരപ്പുറ സൗരോര്ജ്ജ സംവിധാനം വഴി നിര്ദ്ദിഷ്ട പദ്ധതിക്ക് 30 ജിഗാവാട്ട് സൗരോര്ജ്ജ ശേഷി വര്ദ്ധിപ്പിക്കാനാകും. 1000 ബില്യണ് യൂണിറ്റ് വൈദ്യുതി ഉല്പ്പാദിപ്പിക്കുകയും മേല്ക്കൂര സംവിധാനങ്ങളുടെ കാലാവധിയായ 25 വര്ഷത്തിനിടയില് 720 ദശലക്ഷം ടണ്ണിന് തുല്യമായ കാര്ബണ് ഡൈ ഓക്സൈഡ് ഉദ്വമനം കുറയ്ക്കുകയും ചെയ്യും.
ഈ പദ്ധതിയിലൂടെ നിര്മ്മാണം, ലോജിസ്റ്റിക്സ്, വിതരണ ശൃംഖല, വില്പ്പന, സ്ഥാപിക്കല്, ഓ ആന്ഡ് എം, മറ്റ് സേവനങ്ങള് എന്നിവയിലെല്ലാം കൂടി 17 ലക്ഷത്തോളം നേരിട്ടുള്ള തൊഴിലവസരങ്ങള് സൃഷ്ടിക്കുമെന്നും കണക്കാക്കപ്പെടുന്നു.
പ്രധാനമന്ത്രിസൂര്യ ഘര്: മുഫ്ത് ബിജിലി യോജനയുടെ ലഭ്യമാകുന്ന പ്രയോജനങ്ങള്
ബോധവല്ക്കരണം നടത്തുന്നതിനും താല്പ്പര്യമുള്ള കുടുംബങ്ങളില് നിന്ന് അപേക്ഷകള് ലഭ്യമാക്കുന്നതിനുമായി പദ്ധതി ആരംഭിച്ചതുമുതല് ഗവണ്മെന്റ് ഒരു വന് സംഘടിതപ്രവര്ത്തനത്തിന് സമാരംഭം കുറിച്ചിട്ടുണ്ട്. സ്കീമിന് കീഴിലുള്ള ആനുകൂല്യങ്ങള് ലഭിക്കുന്നതിനായി വീട്ടുകാര്ക്ക് pmsuryaghar.gov.in എന്ന സൈറ്റില് രജിസ്റ്റര് ചെയ്യാം.
