തിരുവനന്തപുരം: കേരള സര്വകലാശാല കാര്യവട്ടം ക്യാമ്പസില് അസ്ഥികൂടം. മനുഷ്യന്റെ അസ്ഥികൂടമാണ് കണ്ടെത്തിയത്.
വാട്ടര് അതോറിറ്റിയുടെ ടാങ്കിനുള്ളിലാണ് അസ്ഥികൂടം കണ്ടത്. ബോട്ടണി വിഭാഗത്തോട് ചേര്ന്നാണ് ടാങ്ക്.
ക്യാമ്പസിലെ ജീവനക്കാരനാണ് ആദ്യം അസ്ഥികൂടം കണ്ടത്. കഴക്കൂട്ടം പൊലീസും കഴക്കൂട്ടം അഗ്നിശമന സേനയും സ്ഥലത്തെത്തി പരിശോധിച്ചു. 15 അടി താഴ്ചയിലാണ് അസ്ഥികൂടം കണ്ടത്.
ഫോറന്സിക് വിദ്ഗധരും സ്ഥലത്തെത്തി പരിശോധന നടത്തി. കൂടുതല് പരിശോധനയ്ക്കായി അസ്ഥികൂടം സ്ഥലത്തുനിന്നും മാറ്റും. സംഭവത്തെക്കുറിച്ച് അന്വേഷിക്കുമെന്ന് പൊലീസ് അറിയിച്ചു.
