പെഷവാർ: വടക്കുപടിഞ്ഞാറൻ പാകിസ്ഥാനിലെ ഖൈബർ പഖ്തൂൺഖ്വയിൽ ബസ് കനാലിലേക്ക് മറിഞ്ഞ് 10 പേർ മരിക്കുകയും 15 പേർക്ക് പരിക്കേൽക്കുകയും ചെയ്തു. ഇന്നലെ രാത്രി പതിനന്നോടെ അമിതവേഗതയിൽ വന്ന ബസാണ് അപകടത്തിൽപ്പെട്ടത്.
ഹരിപൂർ ജില്ലയിലെ ഖാൻപൂരിൽ നിന്ന് മലയോര ഗ്രാമത്തിലേക്ക് പോവുകയായിരുന്ന ബസാണ് തർണാവയിൽ അപകടത്തിൽപ്പെട്ടത്.
അമിതവേഗതയെ തുടർന്ന് കുത്തനെയുള്ള വളവിൽ ഡ്രൈവർക്ക് നിയന്ത്രണം നഷ്ടപ്പെട്ട് ആഴത്തിലുള്ള കനാലിലേക്ക് വീഴുകയായിരുന്നുവെന്ന് പോലീസ് പറഞ്ഞു.
അപകടം നടന്നയുടനെ നാട്ടുകാരും സുരക്ഷാ സേനയും രക്ഷാപ്രവർത്തനങ്ങൾക്ക് നേതൃത്വം നൽകി. ഗുരുതരമായി പരിക്കേറ്റവരെ ഖൈബർ പഖ്തൂൺഖ്വയിലെ ആശുപത്രിയിൽ പ്രവേശിപ്പിച്ചു.
