രാജ്‌കോട്ട് : മൂന്നാം ടെസ്റ്റില്‍ ഇംഗ്ലണ്ടിനെതിരെ ഇന്ത്യ മികച്ച നിലയില്‍. മൂന്നാം ദിവസം കളി അവസാനിക്കുമ്പോള്‍ രണ്ടു വിക്കറ്റ് നഷ്ടത്തില്‍ 196 റണ്‍സെന്ന നിലയിലാണ് ഇന്ത്യ. ലീഡ് 322 റണ്‍സ് കഴിഞ്ഞു. ശുഭ്മന്‍ ഗില്ലും ( 65), കുല്‍ദീപ് യാദവും (3) ക്രീസിലുണ്ട്. യശസ്വി ജയ്‌സ്വാള്‍ 104 റണ്‍സെടുത്ത് പരിക്കേറ്റ് മടങ്ങി.
ക്യാപ്റ്റന്‍ രോഹിത് ശര്‍മ 19 റണ്‍സെടുത്തു പുറത്തായി. ജോ റൂട്ടിന്റെ പന്തില്‍ താരം വിക്കറ്റിന് മുന്നില്‍ കുടുങ്ങുകയായിരുന്നു. രജത് പട്ടീദാര്‍ ഡക്കായി. ആദ്യ ഇന്നിംഗ്‌സില്‍ ഇന്ത്യ 126 റണ്‍സ് ലീഡ് നേടിയിരുന്നു. ഇംഗ്ലണ്ട് 319 റണ്‍സിന് ല്ലൊവരും പുറത്തായി.
ഇംഗ്ലണ്ടിനായി ഓപ്പണര്‍ ബെന്‍ ഡക്കറ്റ് 153 റണ്‍സ് നേടി. ക്യാപ്റ്റന്‍ ബെന്‍ സ്റ്റോക്‌സ് (41), ഒലി പോപ് ( 39), ജോ റൂട്ട് (18) റണ്‍സുമെടുത്തു.
ഇന്ത്യയ്‌ക്ക് വേണ്ടി മുഹമ്മദ് സിറാജ് നാലു വിക്കറ്റുകള്‍ വീഴ്‌ത്തി. കുല്‍ദീപ് യാദവ്, രവീന്ദ്ര ജഡേജ എന്നിവര്‍ രണ്ടു വിക്കറ്റുകള്‍ വീതവും നേടി. ജസ്പ്രീത് ബുമ്രയ്‌ക്കും അശ്വിനും ഓരോ വിക്കറ്റുണ്ട്.
