കോട്ടയം : പ്രാണ പ്രതിഷ്ഠയോടെ അനുബന്ധിച്ച് വാഴൂര്‍ പഞ്ചായത്ത് കമ്മിറ്റി ഗോദാനം നടത്തി. ഭാരതീയ സംസ്‌കാരത്തിന്റെ ഭാഗമായ ഗോദാനം ക്ഷേത്രങ്ങളിലെ വിഗ്രഹ പ്രതിഷ്ഠകളോടനുബന്ധിച്ച് നടത്തി വരുന്ന ഒരു പ്രധാന ചടങ്ങാണ്.
വാഴൂര്‍ തീര്‍ഥപാദപുരം പ്രദേശത്ത് കുറുനരിയുടെ ആക്രമണത്തില്‍ മൂന്ന് പശുക്കളെ നഷ്ടപ്പെട്ട ബിമല പ്രസന്നന്‍ എന്ന വീട്ടമ്മയ്‌ക്കാണ് ബിജെപി വാഴൂര്‍ പഞ്ചായത്ത് കമ്മിറ്റി പശുവിനെ നല്‍കിയത്. ഗോദാന ചടങ്ങ് ബിജെപി മധ്യമേഖല പ്രസിഡന്റ് എന്‍. ഹരി ഉദ്ഘാടനം ചെയ്തു.
ബിജെപി വാഴൂര്‍ പഞ്ചായത്ത് കമ്മിറ്റി പ്രെസിഡന്റ് കെ.എസ്. ഹരികുമാര്‍ അധ്യക്ഷത വഹിച്ചു. മുതിര്‍ന്ന ബിജെപി പ്രവര്‍ത്തകന്‍ എം.കെ. മോഹനന്‍ ഗോദാനം നിര്‍വഹിച്ചു. കെ.പി. സുരേഷ്, വി.എന്‍. മനോജ്, ടിവി ബിനു, എം.കെ. വിജയകുമാര്‍, കെ.കെ. വിപനചന്ദ്രന്‍ എന്നിവര്‍ സംസാരിച്ചു. കേസ് ബിനു കുമാര്‍, കെ.കെ. സജി, ജ്യോതി ബിനു, കെ.വി. പ്രസനകുമാര്‍, കെ.കെ. ഹരിദാസ്,എന്നിവര്‍ നേതൃത്വം നല്‍കി.
