തിരുവനന്തപുരം: ദൈവത്തിലും ക്ഷേത്രത്തിലും വിശ്വാസമില്ലാതിരുന്ന സൈബര് കമ്മികള് രണ്ട് ദിവസായി ക്ഷേത്രാചാരങ്ങളിലും ജാതകത്തിലും മുഹൂര്ത്തത്തിലും വരെ ഉത്കണ്ഠയുള്ളവരായി മാറിക്കഴിഞ്ഞുവെന്ന് ബി ജെ പി സംസ്ഥാന അധ്യക്ഷന് കെ സുരേന്ദ്രന്. സുരേഷ്ഗോപിയുടെ മകളുടെ വിവാഹത്തില് പങ്കെടുക്കുന്നതിന് പ്രധാനമന്ത്രി നരേന്ദ്രമോദി ഗുരുവായൂരില് എത്തുന്നതാണ് കാരണം.
സുരേഷ് ഗോപിയുടെ മകളുടെ വിവാഹത്തില് നരേന്ദ്രമോദി പങ്കെടുക്കുന്നത് കൊണ്ട് ഗുരുവായൂരിലെ മറ്റ് വിവാഹങ്ങള് മുടങ്ങുമെന്നത് വ്യാജപ്രചരണമാണെന്നും ബിജെപി സംസ്ഥാന അധ്യക്ഷന് ഫേസ്ബുക്കില് കുറിച്ചു.പ്രധാനമന്ത്രി വരുന്നത് കൊണ്ട് മറ്റ് വിവാഹങ്ങളുടെ സമയത്തില് മാത്രമേ മാറ്റമുള്ളൂവെന്നും ബുക്ക് ചെയ്ത എല്ലാ വിവാഹങ്ങളും നടക്കുമെന്നും ദേവസ്വം ബോര്ഡും പൊലീസും വ്യക്തമാക്കിയിട്ടുണ്ട.
ഗുരുവായൂരില് വിവാഹത്തിന് മുഹൂര്ത്തമൊന്നും നോക്കാറില്ല. എകെജി സെന്റര് പടച്ചുവിടുന്ന പുതിയ നുണക്കഥയാണ് ഗുരുവായൂരിലെ കല്യാണം മുടക്കല്. സുരേഷ് ഗോപിക്ക് വിവാഹം മുടക്കിയല്ല വിവാഹം നടത്തിയാണ് ശീലമെന്നും കെ സുരേന്ദ്രന് കുറിച്ചു.
