ധാക്ക: ബംഗ്ലാദേശില്‍ അവാമി ലീഗ് പ്രസിഡന്റ് ഷെയ്ഖ് ഹസീന തുടര്‍ച്ചയായി നാലാം തവണ പ്രധാനമന്ത്രിയായി സത്യപ്രതിജ്ഞ ചെയ്തു. പ്രസിഡന്റ് മുഹമ്മദ് ഷഹാബുദ്ദീന്‍ ഇന്ന് വൈകുന്നേരം ധാക്കയില്‍ പ്രധാനമന്ത്രിക്കും പുതിയ മന്ത്രിസഭയിലെ അംഗങ്ങള്‍ക്കും സത്യവാചകം ചൊല്ലിക്കൊടുത്തു.
ബംഗ്ലാദേശിന്റെ 12-ാമത് പ്രധാനമന്ത്രിയാണ് 76 വയസുളള ഷെയ്ഖ് ഹസീന. അഞ്ചാം തവണയാണ് അവര്‍ പ്രധാനമന്ത്രി പദത്തിലെത്തുന്നത്.
പ്രസിഡന്റ് മുഹമ്മദ് ഷഹാബുദ്ദീന്‍ 25 മന്ത്രിമാരെയും 11 സഹ മന്ത്രിമാരെയും പുതിയ മന്ത്രിസഭയില്‍ അംഗങ്ങളായി നിയമിച്ചു. ധനമന്ത്രി മുസ്തഫ കമാല്‍, വാണിജ്യ മന്ത്രി ടിപ്പു മുന്‍ഷി എന്നിവരുള്‍പ്പെടെ മുന്‍ മന്ത്രി സഭയിലെ 30 പേരെ ഷെയ്ഖ് ഹസീന ഒഴിവാക്കി
