തിരുവനന്തപുരം:ഭാര്യാ പിതാവിനെ തലയ്ക്കടിച്ച് കൊലപ്പെടുത്താന് ശ്രമിച്ച യുവാവ് അറസ്റ്റില്. ഗാന്ധിജി നഗര് ഭഗവതിപുരം കുതിരകുളം പ്രദീപ് വിലാസത്തില് പ്രകാശിനെയാണ് (31) ആണ് പൊലീസ് പിടികൂടിയത്. ഇയാളുടെ ഭാര്യ വാടക വീട്ടില് ഒപ്പം താമസിക്കാന് ചെല്ലാത്തതിലുളള വിരോധം ആണ് അക്രമണത്തിന് കാരണം.
മകളെ തല്ലുന്നത് തടയാന് ശ്രമിച്ചപ്പോഴാണ് യുവതിയുടെ പിതാവ് ഉറിയാക്കോട് പൂമല മീനാഭവനില് ഡേവിസിന് (65) പരിക്കേറ്റത്. ഇയാളെ പ്രകാശ് ഇരുമ്പ് ചുറ്റിക എടുത്ത് തലയ്ക്കടിച്ച ശേഷം ക്രൂരമായി മര്ദ്ദിച്ചു. ഡേവിസ് ചികിത്സയില് ആണ്.
വിളപ്പില്ശാല പൊലീസാണ് പ്രതിയെ അറസ്റ്റ് ചെയ്തതത്. കാട്ടാക്കട ജുഡീഷ്യല് ഫസ്റ്റ് ക്ളാസ് മജിസ്ട്രേറ്റ് കോടതിയില് ഹാജരാക്കി പ്രതിയെ കോടതി റിമാന്ഡ് ചെയ്തു.
