കോട്ടയം: കോടിമതയില്‍ നാലുവരിപാതയില്‍ കെഎസ്ആര്‍ടിസി ബസിന്റെ ഹെഡ് ലൈറ്റ് തകര്‍ത്ത കേസില്‍ സ്ത്രീ അറസ്റ്റില്‍. പൊന്‍കുന്നം സ്വദേശിനി സുലു ആണ് അറസ്റ്റിലായത്.
പൊതുമുതല്‍ നശിപ്പിച്ചത് ഉള്‍പ്പെടെ ജാമ്യമില്ലാ വകുപ്പുകളാണ് ഇവര്‍ക്കെതിരെ ചുമത്തിയത്. ഇന്ന് ഉച്ചയോടെയാണ് സംഭവമുണ്ടായത്.
പൊന്‍കുന്നം സ്വദേശികളായ അമ്മയും മകളും സഞ്ചരിച്ചിരുന്ന കാറിനെ മറികടക്കവെ കാറിന്റെ മിററില്‍ കെഎസ്ആര്‍ടിസി ബസ് ഉരസിയിരുന്നു.
തുടര്‍ന്നുണ്ടായ തര്‍ക്കത്തെ തുടര്‍ന്നാണ് ബസിന്റെ ഹെഡ് ലൈറ്റ് ഇവര്‍ അടിച്ചു തകര്‍ത്തത്. ഉടന്‍ കാറില്‍ കയറി കടന്നുകളയുകയും ചെയ്തു.
എന്നാല്‍ കാറിന്റെ രജിസ്‌ട്രേഷന്‍ നമ്പര്‍ വച്ച് ആളെ മനസിലാക്കി, പൊലീസ് സ്റ്റേഷനിലേക്ക് വിളിച്ചു വരുത്തുകയായിരുന്നു.ചിങ്ങവനം പൊലീസാണ് കേസില്‍ അന്വേഷണം നടത്തുന്നത്.ഇവരെ ബുധനാഴ്ച കോടതിയില്‍ ഹാജരാക്കും.
പ്രതികരിക്കാൻ ഇവിടെ എഴുതുക: