പാലക്കാട്: ഹമാസ് വിരുദ്ധ നിലപാടിന്റെ പേരില്‍ പുറത്താക്കപ്പെട്ട യൂത്ത് കോണ്‍ഗ്രസ് ജില്ലാ സെക്രട്ടറി ജോമോന്‍ ചക്കാലയ്‌ക്കല്‍ ബിജെപിയില്‍ ചേര്‍ന്നു. പാലക്കാട് നടന്ന ബിജെപി നഗരസഭാ കൗണ്‍സിലര്‍മാരുടെ ശിബിരത്തിന്റെ ഉദ്ഘാടന ചടങ്ങില്‍ സംസ്ഥാന സെക്രട്ടറി കെ. സുരേന്ദ്രന്‍ ജോമോനെ പാര്‍ട്ടിയിലേക്ക് സ്വീകരിച്ചു. തുടര്‍ച്ചയായി ഹമാസ് തീവ്രവാദ പ്രസ്താവനയില്‍ ഉറച്ചുനിന്നതിന്റെ പേരിലാണ് ജോമോനെ പുറത്താക്കിയത്. ദേശീയ കാഴ്ചപ്പാട് ഉയര്‍ത്തിപ്പിടിക്കുകയും അതില്‍ ഊന്നി നിന്ന് മുന്നോട്ട് പോകുമെന്നും ജോമോന്‍ പറഞ്ഞു.
കോണ്‍ഗ്രസില്‍ നടക്കുന്നത് നാല് വോട്ടിന് വേണ്ടിയുള്ള ന്യൂനപക്ഷ പ്രീണനമാണ്. സത്യം പറയുന്നവര്‍ക്കും, ന്യായവാദികള്‍ക്കും അവിടെ സ്ഥാനമില്ല. തീവ്രവാദ സംഘടനാപ്രവര്‍ത്തകര്‍ കോണ്‍ഗ്രസിനകത്ത് നുഴഞ്ഞുകയറുകയാണ്. സൈബര്‍ ആക്രമണത്തിനും ഇരയായി. താന്‍ പ്രതിനിധാനം ചെയ്യുന്ന സമുദായത്തിന്റെ ഉറച്ച പിന്തുണയോടെയാണ് ബിജെപിയില്‍ ചേര്‍ന്നതെന്നും ജോമോന്‍ പറഞ്ഞു.
