തൃശൂർ: അയ്യപ്പനും ഗുരുവായൂരപ്പനും സ്വർണ കിരീടം സമർപ്പിച്ച് തിരുവനന്തപുരം സ്വദേശി. ഗുരുവായൂർ ഏകാദശിയോടനുബന്ധിച്ചുള്ള ഏകാദശി വിളക്ക് രണ്ടാം ദിനത്തിലാണ് കിരീടങ്ങൾ സമർപ്പിച്ചത്.
തിരുവനന്തപുരം സ്വദേശി നാഥൻ മേനോനാണ് കിരീടങ്ങൾ വഴിപാടായി സമർപ്പിച്ചിരിക്കുന്നത്. ഇന്നലെ ഉച്ചയ്ക്ക് ശേഷമായിരുന്നു സ്വർണ കിരീടം സമർപ്പിച്ചത്. ഗുരുവായൂർ ക്ഷേത്രം മേൽശാന്തി ശ്രീനാഥ് നമ്പൂതിരിയാണ് കിരീടം ഏറ്റുവാങ്ങി വിഗ്രഹങ്ങളിൽ ചാർത്തിയത്.
രണ്ട് കിരീടത്തിനും കൂടി 45 പവനോളം തൂക്കമാണ് ഉള്ളത്. രണ്ട് കിരീടങ്ങളിലുമായി കല്ലുകൾ പതിപ്പിച്ചിട്ടുണ്ട്. ഇതിൽ ചുവന്ന കല്ല് പതിപ്പിച്ച കിരീടം ഗുരുവായൂരപ്പനും നീല കല്ല് പതിപ്പിച്ച കിരീടം അയ്യപ്പനുമാണ് ചാർത്തിയത്.
