ഹാങ്ഷൗ: ഏഷ്യന്‍ ഗെയിംസ് ടേബിള്‍ ടെന്നീസില്‍ ഇന്ത്യന്‍ പുരുഷ -വനിതാ ടീമുകള്‍ പ്രീ ക്വാര്‍ട്ടറിലേക്ക് മുന്നേറി. രണ്ടാം ഗ്രൂപ്പ് ഘട്ടത്തില്‍ യയഥാക്രമം നേപ്പാളിനും താജിക്കിസ്ഥാനുമെതിരെ തകര്‍പ്പന്‍ ജയം നേടി .
വനിതാ വിഭാഗത്തില്‍ നേപ്പാളിന്റെ സിക്ക ശ്രേഷ്ഠയ്‌ക്കെതിരെ ദിയ വിജയിച്ചു. 11-1, 11-6, 11-8 എന്ന സ്‌കോറിനാണ് ഇന്ത്യന്‍ താരത്തിന്റെ വിജയം.അയ്ഹിക നേപ്പാളിന്റെ നബിത ശ്രേഷ്ഠയെ 11-3, 11-7, 11-2 എന്ന സ്‌കോറിന് പരാജയപ്പെടുത്തി.അതേസമയം സുതീര്‍ത്ത നേപ്പാളിന്റെ ഇവാനയെ 11-1, 11-5, 11-2 എന്ന സ്‌കോറിന് തോല്‍പ്പിച്ചു.
പുരുഷ വിഭാഗത്തില്‍, ഇന്ത്യയുടെ മാനവ് തക്കര്‍ 11-8, 11-5, 11-8 എന്ന സ്‌കോറിന് മഹ്മുദോവയെ പരാജയപ്പെടുത്തി.മനുഷ് ഷാ13-11 , 1-7, 11-5 എന്ന സ്‌കോറിന് സുല്‍ട്ടോനോവിനെ പരാജയപ്പെടുത്തി.ഹര്‍മീത് ദേശായി ഇസ്മോയില്‍ സോഡയ്‌ക്കെതിരെയും ഏകപക്ഷീയമായ മൂന്ന് സെറ്റുകള്‍ക്ക് വിജയിച്ചു.
