ചെന്നൈ: ക്ഷേത്രപൂജാരിമാരുടെ സ്ഥാനത്തേക്ക് യുവതികളെ എത്തിച്ച് തമിഴ്നാട് സര്ക്കാര്. ശ്രീ വൈഷ്ണവ ക്ഷേത്രങ്ങളില് സഹ പൂജാരിമാരായി മൂന്ന് യുവതികളെയാണ് ചുമതലപ്പെടുത്തിയത്.
എസ് കൃഷ്ണവേണി, എസ് രമ്യ, രഞ്ജിത എന്നിവരാണ് പൂജാരിയാകുന്നതിനുളള പരിശീലനം പൂര്ത്തിയാക്കിയത്. മൂവരും ശ്രീരംഗത്തെ ശ്രീ രംഗനാഥര് ക്ഷേത്രം നടത്തുന്ന പൂജാരി പരിശീലന കേന്ദ്രത്തില് നിന്നാണ് പരിശീലനം പൂര്ത്തിയാക്കിയത്. ഇവര് ഒരു വര്ഷത്തിനകം ശ്രീ വൈഷ്ണവ ക്ഷേത്രങ്ങളില് സഹ പൂജാരിമാരായി ചുമതലയേല്ക്കും.
മുഖ്യമന്ത്രി എംകെ സ്റ്റാലിന് മൂവരെയും അഭിനന്ദിച്ചു. സമത്വത്തിന്റെ പുതിയ യുഗം പിറക്കുകയാണെന്ന് എക്സില് സ്റ്റാലിന് കുറിച്ചു. മൂന്ന് യുവതികള്ക്കുമൊപ്പം 91 പുരുഷന്മാരും പരിശീലനം പൂര്ത്തിയാക്കി.
