തൃശൂർ: മുഖ്യമന്ത്രിയുടെ മകളുമായി ബന്ധപ്പെട്ട മാസപ്പടി വിവാദത്തിൽ സമഗ്ര അന്വേഷണം ആവശ്യപ്പെട്ട് ബിജെപി രംഗത്ത്. 96 കോടി രൂപയോളമാണ് മുഖ്യമന്ത്രി അടക്കം കൈപ്പറ്റിയതെന്ന് ബിജെപി ആരോപിക്കുന്നു. വിജിലൻസും ലോകായുക്തയും ഉള്‍പ്പെടെ സംസ്ഥാന സർക്കാരിന്റെ ഏജൻസികൾ നോക്കുകുത്തിയാവുകയാണ്. സമഗ്ര അന്വേഷണം ആവശ്യപ്പെട്ട് ബിജെപി പ്രക്ഷേഭം ആരംഭിക്കുമെന്നും സംസ്ഥാന അധ്യക്ഷൻ കെ.സുരേന്ദ്രൻ പറഞ്ഞു.
ഇരു മുന്നണികളും ഒത്തു തീർപ്പു നടത്തുകയാണ്. പണമിടപാട് ഇഡി അന്വേഷിക്കണം. മുഖ്യമന്ത്രിയും, മകളും എന്തിനാണ് പണം വാങ്ങിയത്?.എന്തിനാണ് പ്രതിപക്ഷ നേതാക്കൾക്ക് പണം കൊടുത്തത്?.ഇതില്‍ അന്വേഷണം വേണം. പുതുപ്പള്ളിയിൽ ഇന്ത്യ മുന്നണി ഒറ്റ സ്ഥാനാർഥിയെ നിർത്തിയാൽ മതി.എന്തിനാണ് ജനങ്ങളെ കബളിപ്പിക്കുന്നത്? എന്നും അദ്ദേഹം ചോദിച്ചു.
വാഴ്‌ത്തപ്പെട്ടവനായി പ്രഖ്യാപിക്കണമെന്നു പറഞ്ഞ സതീശൻ തന്നെയാണ് അവസാനകാലത്ത് ഉമ്മൻചാണ്ടിയെ വീഴ്‌ത്തിയത്. ഞങ്ങൾ ഹരിത എംഎൽഎമാരാണ് അല്ലാതെ സരിത എംഎൽഎമാരല്ലെന്ന് പറഞ്ഞത് സതീശൻ തന്നെയാണെന്നും അദ്ദേഹം പരിഹസിച്ചു.
