ഡൊമിനിക്ക: വെസ്റ്റിന്‍ഡീസിനെതിരായ ഒന്നാം ടെസ്റ്റില്‍ മിന്നും ജയം സ്വന്തമാക്കി ഇന്ത്യ. മൂന്നാം ദിവസം തന്നെ ഇന്നിംഗ്‌സിനും 141 റണ്‍സിനുമാണ് ഇന്ത്യ കളി വിജയിച്ചത്
രണ്ടാം ഇന്നിംഗ്‌സില്‍ വെസ്റ്റിന്‍ഡീസ് 130 റണ്ണിന് എല്ലാവരും പുറത്തായി. ആദ്യ ഇന്നിംഗ്‌സില്‍ 150 റണ്‍സിന് എല്ലാവരും പുറത്തായിരുന്നു.
അശ്വിന്റെ സ്പിന്‍ മാന്ത്രികതയിലാണ് ഇന്ത്യയുടെ ജയം.ഏഴ് വിക്കറ്റ് ആണ് അശ്വിന്‍ സ്വന്തമാക്കിയത്. ആദ്യ ഇന്നിംഗ്‌സില്‍ അഞ്ച് വിക്കറ്റ് നേടി. രണ്ടാം ഇന്നിംഗ്‌സില്‍ ജഡേജ രണ്ട് വിക്കറ്റും സിറാജ് ഒരു വിക്കറ്റും നേടി .
അലിക് അതനസെ 28 റണ്‍സുമായി വെസ്റ്റിന്‍ഡീസിന്റെ ടോപ് സ്‌കോററായി
നേരത്തെ 421-5 എന്ന സ്‌കോറില്‍ എത്തിയപ്പോള്‍ ഇന്ത്യ ഡിക്ലയര്‍ ചെയ്തു. ഏഴ് റണ്‍സുമായി ജഡേജയും ഒരു റണ്ണുമായി ഇഷന്‍ കിഷനും ക്രീസില്‍ നില്‍ക്കെ ആണ് ഡിക്ലയര്‍ ചെയ്തത്.ഇന്ത്യ 271 റണ്‍സ് ആദ്യ ഇന്നിംഗ്‌സ് ലീഡ് നേടി.
നേരത്തെ 171 റണ്‍സ് എടുത്ത് ജയ്‌സ്വാള്‍ പുറത്തായി. 76 റണ്‍സ് എടുത്ത കോഹ്ലിയും മികച്ച രീതിയില്‍ ബാറ്റ് ചെയ്തു. രഹാനെ മൂന്ന് റണ്‍സെടുത്ത് പുറത്തായി.
