മുംബൈ: പ്രധാനമന്ത്രി മോദിയെ വാനോളം പുകഴ്ത്തി എന്സിപി നേതാവ് അജിത് പവാര്. പ്രധാനമന്ത്രി “മോദിയുടെ കീഴില് ഇന്ത്യ അഭിവൃദ്ധിപ്പെട്ടു. ഭാവിയില് തെരഞ്ഞെടുപ്പുകളില് ബിജെപിയുമായി ചേര്ന്ന് മത്സരിയ്ക്കും.”- മഹാരാഷ്ട്രയിലെ ബിജെപി-ഷിന്ഡേ സര്ക്കാരിലെ പുതിയ ഉപമുഖ്യമന്ത്രിയായ അജിത് പവാര് പറഞ്ഞു.
“രാജ്യം മോദിയുടെ നേതൃത്വത്തില് പുരോമഗിച്ചുകൊണ്ടിരിക്കുകയാണ്. അദ്ദേഹം മറ്റ് രാജ്യങ്ങളിലും ജനപ്രിയനാണ്. എല്ലാവരും അദ്ദേഹത്തെ പുകഴ്ത്തുകയും അദ്ദേഹത്തിന്റെ നേതൃത്വത്തെ പിന്തുണയ്ക്കുകയും ചെയ്യുന്നു. അടുത്ത നിയമസഭാ തെരഞ്ഞെടുപ്പിലും ലോക്സഭാ തെരഞ്ഞെടുപ്പിലും ബിജെപിയുമായി ചേര്ന്ന് മത്സരിയ്ക്കും. അതുകൊണ്ടാണ് ഈ തീരുമാനം കൈക്കൊണ്ടത് “- അജിത് പവാര് നയം വ്യക്തമാക്കി.
വാര്ത്താസമ്മേളനത്തിനിടയില് ശരത് പവാറിനെ പരോക്ഷമായി വിമര്ശിക്കാനും അജിത് പവാര് മറന്നില്ല. “എന്സിപിയ്ക്ക് 24 വയസ്സായെന്നും ഇനി യുവാക്കളുടെ നേതൃത്വം മുന്നോട്ട് വരണം”- അജിത് പവാര് പറഞ്ഞു.
