ചെറുതുരുത്തി: സോപാനഗായകരുടെ പ്രഥമ സംഘടനയായ സോപാന ഗായക സംഘം ട്രസ്റ്റിന്റെ നേതൃത്വത്തില്‍ ഞായറാഴ്ച ഷൊര്‍ണൂരില്‍ സെമിനാര്‍ നടക്കും. സോപാനസംഗീതം ‘ഇന്നലെ – ഇന്ന് – നാളെ’ എന്ന വിഷയത്തെ ആസ്പദമാക്കി, രാവിലെ 9 മുതല്‍ വൈകിട്ട് 4 വരെ ഷൊര്‍ണൂര്‍ ഈവനിംഗ് പാരഡൈസ് ഓഡിറ്റോറിയത്തില്‍ നടക്കുന്ന സെമിനാറില്‍, ഡോ. സദനം ഹരികുമാര്‍, പയ്യന്നൂര്‍ കൃഷ്ണമണി മാരാര്‍, വൈക്കം പ്രകാശന്‍, കാവാലം വിനോദ്, കൊട്ടാരം സംഗീത് മാരാര്‍, ശൂരനാട് ഹരികുമാര്‍ എന്നിവര്‍ പങ്കെടുക്കും.
സോപാന സംഗീതത്തിന്റെ ഇതുവരെയുള്ള വളര്‍ച്ച, ഭാവിയില്‍ ഈ പാട്ടു രൂപത്തിന്റെ ഏകീകൃതമായ രൂപ പരിണാമം എന്നിവ ചര്‍ച്ച ചെയ്യുകയാണ് സെമിനാറിന്റെ ഉദ്ദേശ്യമെന്നും, പങ്കെടുക്കാന്‍ ആഗ്രഹിക്കുന്നവര്‍ക്ക് പ്രവേശനം സൗജന്യമായിരിക്കുമെന്നും ചെയര്‍മാന്‍ നെല്ലുവായ് നന്ദകുമാര്‍, മോഡറേറ്റര്‍ ഞരളത്ത് ഹരിഗോവിന്ദന്‍ എന്നിവര്‍ അറിയിച്ചു.
