ദോഹ: ഖത്തറിലെ അല്ഖോറില് ഉണ്ടായ വാഹനാപകടത്തില് മൂന്ന് മലയാളികള് ഉള്പ്പെടെ അഞ്ച് ഇന്ത്യക്കാര് മരിച്ചു. കരുനാഗപ്പള്ളി സ്വദേശികളായ റോഷിന് ജോണ് (38), ഭാര്യ ആന്സി ഗോമസ് (30), ആന്സിയുടെ സഹോദരന് ജിജോ ഗോമസ് (34), ഇവരുടെ സുഹൃത്തുക്കളായ തമിഴ്നാട് സ്വദേശികളായ പ്രവീണ്കുമാര് ശങ്കര് (38), ഭാര്യ നാഗലക്ഷ്മി ചന്ദ്രശേഖരന് (33) എന്നിവരാണ് മരിച്ചത്. റോഷിന്റെയും ആന്സിയുടേയും മകന് ഏദന് (3) ഗുരുതരമായ പരുക്കുകളോടെ സിദ്ര മെഡിസിന് ആശുപത്രിയില് ചികിത്സയിലാണ്. അഞ്ചു പേരുടെയും മൃതദേഹങ്ങള് അല്ഖോര് മോര്ച്ചറിയില് സൂക്ഷിച്ചിരിക്കുകയാണ്.
ദോഹയില് നിന്ന് 70 കിലോമീറ്റര് അകലെ അല്ഖോറിലെ ~ൈ ഓവറില് ബുധനാഴ്ച രാത്രി ഇവര് സഞ്ചരിച്ചിരുന്ന വാഹനം അപകടത്തില്പെടുകയും തുടര്ന്ന് നിയന്ത്രണം വിട്ട് വാഹനം പാലത്തില് നിന്ന് താഴെ വീഴുകയുമായിരുന്നു. വാഹനത്തിലുണ്ടായിരുന്ന കുട്ടി ഒഴികെയുള്ള അഞ്ചു പേരും തല്ക്ഷണം മരിച്ചു.
ഖത്തറില് സര്ക്കാര് ഓഫീസുകള്ക്കൊക്കെ ഈദ് അവധിയാണെങ്കിലും താമസം കൂടാതെ മൃതദേഹങ്ങള് നാട്ടിലേക്കയക്കുന്നതിനുള്ള ശ്രമങ്ങള് മലയാളി സംഘടനകള് നടത്തിവരുന്നു. ചൊവ്വാഴ്ച രാത്രിയില് ഖത്തറില് നിന്നുള്ള യാത്ര സംഘം സൗദിയില് അപകടത്തില്പെട്ട് രണ്ട് മലയാളികള് മരിച്ചിരുന്നു.
