ദുബായ്: ഇറാന്റെ തീരദേശ പ്രവിശ്യകളില് അമേരിക്ക നടത്തിയ ആക്രമണത്തിന് പിന്നാലെ ഗള്ഫ് രാജ്യങ്ങളിലെ യുഎസ് സൈനിക കേന്ദ്രങ്ങള്ക്ക് നേരെ ഇറാന് ആക്രമണം അഴിച്ചുവിട്ടു. കുവൈറ്റ്, ഖത്തര്, ബഹ്റൈന് എന്നിവിടങ്ങളിലായിരുന്നു തങ്ങളുടെ ആക്രമണമെന്ന് ഇറാന് പറഞ്ഞു.
മൂന്നാഴ്ചത്തെ വെടിനിര്ത്തല് കരാര് ഇതോടെ അപ്രസക്തമായി.
മഷാദിലെ ആരാധനാലയത്തില് കൊല്ലപ്പെട്ട ഇറാന് പരമോന്നത നേതാവ് ആയത്തുള്ള അലി ഖമേനിയെ സംസ്കരിച്ചതിനു പിന്നാലെയായിരുന്നു ഇറാനു നേരെ വീണ്ടും യുഎസ് ആക്രമണമുണ്ടായത്. ആക്രമണത്തില് 14 പേര് കൊല്ലപ്പെടുകയും 78 പേര്ക്ക് പരിക്കേല്ക്കുകയും ചെയ്തതായി ഇറാന് പറഞ്ഞു. ആണവ നിലയത്തിന്റെ പരിധിയില് യുഎസ് ആക്രമണം നടത്തിയെന്നും ഇറാന് കുറ്റപ്പെടുത്തി.
