ദോഹ : രാജ്യത്ത് ഡ്രൈവിംഗ് ലൈസൻസ് ഇല്ലാതെ വാഹനമോടിക്കുന്നവർക്ക് തടവ്, പിഴ തുടങ്ങിയ ശിക്ഷാ നടപടികൾ നേരിടേണ്ടി വരുമെന്ന് ഖത്തർ ആഭ്യന്തര മന്ത്രാലയം മുന്നറിയിപ്പ് നൽകി. ഖത്തറിൽ ഡ്രൈവിംഗ് ലൈസൻസ് ഇല്ലാതെ വാഹനമോടിക്കുന്നത് അതീവ ഗുരുതരമായ കുറ്റമാണെന്ന് ഖത്തർ ആഭ്യന്തര മന്ത്രാലയം ചൂണ്ടിക്കാട്ടിയിട്ടുണ്ട്.
ട്രാഫിക് നിയമങ്ങളിലെ ആർട്ടിക്കിൾ 94 പ്രകാരം, ഇത്തരം നിയമലംഘനങ്ങൾക്ക് പിടിക്കപ്പെടുന്നവർക്ക് ഒരു മാസം മുതൽ മൂന്ന് വർഷം വരെ തടവ്, 10000 റിയാൽ മുതൽ 50000 റിയാൽ വരെ പിഴ ലഭിക്കാമെന്നും ഖത്തർ ആഭ്യന്തര മന്ത്രാലയം കൂട്ടിച്ചേർത്തു. ലൈസൻസ് ഇല്ലാതെ വാഹനമോടിക്കുന്നവർ റോഡ് സുരക്ഷയ്‌ക്ക് വലിയ ഭീഷണി ഉയർത്തുന്നതായി അറിയിച്ചു.
