കൊച്ചി : കട്ടപ്പനയില് വച്ച് ഹൃദയാഘാതമുണ്ടായ 17 വയസ്സുള്ള ആന്മരിയ ജോയ് എന്ന കുട്ടിക്ക് അടിയന്തര ചികിത്സ ലഭ്യമാക്കുന്നതിനായി അമൃത ആശുപത്രിയിലേക്ക് കൊണ്ടുപോകുന്നു. ആംബുലന്സിന് വഴിയൊരുക്കണമെന്ന് അഭ്യര്ത്ഥന.
കട്ടപ്പന സെന്റ് ജോണ്സ് ആശുപത്രിയില്നിന്ന് എറണാകുളം അമൃത ആശുപത്രിയിലേക്കാണ് കുട്ടിയെ കൊണ്ടുപോകുന്നത്. കട്ടപ്പനയില്നിന്ന് പുറപ്പെട്ട ആംബുലന്സ് ചെറുതോണി – തൊടുപുഴ – മുവാറ്റുപുഴ – വൈറ്റില വഴി അമൃത ആശുപത്രിയില് എത്തിക്കാനാണ് തീരുമാനം. ആംബുലന്സിന് വഴിയൊരുക്കാന് പോലീസും രംഗത്തുണ്ട്.
കെഎല് 06 എച്ച് 9844 നമ്പരിലുള്ള കട്ടപ്പന സര്വീസ് ബാങ്ക് ആംബുലന്സിലാണ് കുട്ടിയെ ആശുപത്രിയിലേക്ക് കൊണ്ടുപോകുന്നത്. എത്രയും പെട്ടന്ന് കുട്ടിക്ക് ചികിത്സാ സഹായം ലഭ്യമാക്കണം. ആംബുലന്സ് പോകുന്ന റൂട്ടിലെ യാത്രക്കാര് ഇതൊരു അറിയിപ്പായി കണ്ട് ആംബുലന്സിന് വഴിയൊരുക്കണമെന്ന് മന്ത്രി റോഷി അഗസ്റ്റിന്റെ ഓഫീസില് നിന്ന് അറിയിച്ചിട്ടുണ്ട്.
