ബംഗളൂരു: പ്രതിപക്ഷ കക്ഷികളെ ഞെട്ടിപ്പിച്ച് ബിജെപിലിയേക്ക് സിനിമകതാരങ്ങളുടെ ഒഴുക്കി. കര്ണാടക നിയമസഭാ തെരഞ്ഞെടുപ്പിന് മുന്നോടിയായി കന്നട ചലച്ചിത്ര താരം കിച്ച സുദീപ് ഇന്ന് ബിജെപിയില് ചേരും. നടന് ദര്ശന് തുഗുദീപയും ഇന്നു തന്നെ ബിജെപിയില് ചേരുമെന്നാണ് റിപ്പോര്ട്ട് ബെംഗളൂരുവിലെ സ്വകാര്യ ഹോട്ടലില് ഉച്ചയ്ക്ക് 1.30നും 2.30നും നടക്കുന്ന ചടങ്ങുകളില് രണ്ട് നടന്മാരും പാര്ട്ടിയില് ചേരുമെന്നാണ് ബിജെപി വൃത്തങ്ങളില് നിന്നുള്ള വിവരം.
മുഖ്യമന്ത്രി ബെസവരാജ് ബൊമ്മെ അടക്കമുള്ള പ്രധാന നേതാക്കളുടെ സാന്നിധ്യത്തിലാകും കിച്ച സുദീപിന്റെയും ദര്ശന് തുഗദീപയുടെയും ബിജെപി പ്രവേശനം. മെയ് പത്തിനാണ് കര്ണാടകയില് നിയമസഭ തെരഞ്ഞെടുപ്പ് പ്രഖ്യാപിച്ചിരിക്കുന്നത്. ഏതാനും ദിവസങ്ങള്ക്ക് മുന്പ് നടിയും മാണ്ഡ്യയില് നിന്നുള്ള എംപിയുമായ സുമലത അംബരീഷ് കര്ണാടക തെരഞ്ഞെടുപ്പില് ബിജെപിക്ക് പിന്തുണ പ്രഖ്യാപിച്ചിരുന്നു.
