തിരുവനന്തപുരം: എംഡിഎംഎയുമായി എക്സൈസ് പിടികൂടിയ പ്രതിയുടെ അമ്മ ആത്മഹത്യ ചെയ്തു. തിരുവനന്തപുരം ശാന്തിപുരം ഷൈനി കോട്ടേജില്‍ ഗ്രേസി ക്ലമന്റ് (55) ആണ് മരിച്ചത്. തിരുവനന്തപുരം എക്സൈസ് കഴിഞ്ഞ ദിവസമാണ് ഇവരുടെ മകന്‍ ഷൈനോ ക്ലമന്റിനെ നാല് ഗ്രാം എംഡിഎംഎയുമായി പിടികൂടിയത്.
ഇയാള്‍ സ്ഥിരം ലഹരി കച്ചവടക്കാരനാണെന്നാണ് എക്സൈസ് പറയുന്നത്. ഇക്കാര്യം അറിഞ്ഞപ്പോള്‍ മനംനൊന്താണ് ഗ്രേസി ആത്മഹത്യ ചെയ്തത്. തൂങ്ങിയ നിലയിൽ രാവിലെ കണ്ടെത്തിയ ഗ്രേസിയെ ബന്ധുക്കൾ ആശുപത്രിയിലേക്കെത്തിച്ചെങ്കിലും അതിന് മുമ്പേ മരിച്ചിരുന്നു.
മൃതദേഹം മെഡിക്കല്‍ കോളേജ് മോർച്ചറിയിൽ സൂക്ഷിച്ചിരിക്കുകയാണ്.
