ചെന്നൈ: സ്റ്റാലിന് ഉള്പ്പെടെയുള്ള ഡിഎംകെ മന്ത്രിമാരുടെ സ്വത്ത് വിവരങ്ങള് പുറത്തുവിടുമെന്ന് ബിജെപി തമിഴ്നാട് അധ്യക്ഷന് കെ. അണ്ണാമലൈ.
സ്റ്റാലിന്റേത് മാത്രമല്ല, മറ്റ് ഡിഎംകെ നേതാക്കളുടെ കൂടി സ്വത്ത് വിവരങ്ങള് പുറത്തുവിടും. പ്രത്യേകിച്ചും ഡിഎംകെ മന്ത്രിമാരുടെ സ്വത്ത് വിവരങ്ങള് പുറത്തുവിടും. – കെ. അണ്ണാമലൈ പറഞ്ഞു. 2024ലെ പൊതുതെരഞ്ഞെടുപ്പിന് മുന്നോടിയായി അണ്ണാമലൈ 2023 ഏപ്രിലില് പദയാത്ര ആരംഭിക്കും. അതിന് മുന്നോടിയായി ഡിഎംകെ മന്ത്രിമാരുടെ സ്വത്ത് വിവരങ്ങള്വെളിപ്പെടുത്തുമെന്നും അണ്ണാമലൈ പറഞ്ഞു.
മദ്യഫാക്ടറികള് വരെ തമിഴ്നാട്ടില് ഡിഎംകെ നേതാക്കള്ക്ക് സ്വന്തമായുണ്ട്. തമിഴ്നാട്ടിലെ ടാസ്മാക് (സര്ക്കാര് മദ്യവിതരണ ഔട്ട്ലെറ്റ്) വഴി വിതരണം ചെയ്യുന്ന മദ്യത്തിന്റെ 60 ശതമാനവും ഡിഎംകെ നേതാക്കളുടെ മദ്യനിര്മ്മാണശാലയില് നിന്നാണ്. – കെ. അണ്ണാമലൈ ആരോപിച്ചു.
അഴിമതിയാണ് വലിയൊരു പ്രശ്നം. രാജ്യത്തിന്റെ വളര്ച്ചയെ സ്വാതന്ത്ര്യത്തിന് ശേഷം ബാധിച്ചത് അഴിമതിയാണ്. അത് മൂലം രാജ്യത്തിന്റെ ഭാവിയാണ് തകര്ന്നതെന്നും അണ്ണാമലൈ പറഞ്ഞു.
