അഹമ്മദാബാദ്; നരേന്ദ്ര മോദി നേതൃത്വം നല്കുന്ന സര്ക്കാര് ഇന്ന് കേന്ദ്രത്തില് നിന്ന് അയയ്ക്കുന്ന ഓരോ ചില്ലിക്കാശും ചോര്ച്ചയോ ഇടനിലക്കാരോ അഴിമതിയോ ഇല്ലാതെ ഒരു ബട്ടന് ക്ലിക്കിലൂടെ ഗുണഭോക്താക്കളുടെ ബാങ്ക് അക്കൗണ്ടുകളില് നേരിട്ടെത്തുന്നുവെന്ന് കേന്ദ്ര നൈപുണ്യ വികസന സംരംഭകത്വത്തം സഹമന്ത്രി രാജീവ് ചന്ദ്രശേഖര് പറഞ്ഞു.
ഗുജറാത്തിലെ ദസ്ക്രോയ് നിയമസഭാ മണ്ഡലത്തില് തെരഞ്ഞെടുപ്പ് പ്രചാരണവുമായി ബന്ധപ്പെട്ടു നടന്ന പൊതുസമ്മേളനത്തില് സംസാരിക്കുകയായിരുന്നു അദേഹം. എന്നാല് ആം ആദ്മി പാര്ട്ടി കോണ്ഗ്രസിന്റെ നഗ്നമായ പകര്പ്പാണ്. മദ്യ കുംഭകോണമോ ബലാത്സംഗ ഫിസിയോതെറാപ്പിസ്റ്റ് കേസോ ആകട്ടെ അവരും പഴയ തന്ത്രങ്ങളെല്ലാം അതേപടി സ്വീകരിക്കുകയാണ്.
അതെസമയം പ്രധാനമന്ത്രി നരേന്ദ്ര മോദി സബ്കാ സാത്ത്, സബ്കാ വികാസ്, സബ്കാ പ്രയാസ് എന്ന മാര്ഗത്തിലൂടെ രാജ്യത്ത് യഥാര്ത്ഥ പരിവര്ത്തനം കൊണ്ടുവന്നുവെന്നും അദ്ദേഹം പറഞ്ഞു. അസംബ്ലി തെരഞ്ഞെടുപ്പുമായി ബന്ധപ്പെട്ട് അദ്ദേഹത്തിന്റെ മൂന്നു ദിവസത്തെ ഗുജറാത്ത് സന്ദര്ശനപര്യടനം നാളെ അവസാനിക്കും.
