പത്തനംതിട്ട: പത്തനംതിട്ടയില് ഓര്ഡര് ചെയ്ത ചിക്കന് ഫ്രൈ കിട്ടാന് വൈകിയതിന്റെ പേരില് ഹോട്ടല് ജീവനക്കാരെ യുവാവ് മര്ദ്ദിച്ചു. പത്തനംതിട്ട നഗരത്തില് നടന്ന സംഭവത്തില് ഇതരസംസ്ഥാന തൊഴിലാളിയായ സ്ത്രീയടക്കം നാല് പേര്ക്ക് പരിക്കേറ്റു. റാന്നി സ്വദേശിയായ ജിതിനാണ് ഭക്ഷണം വൈകിയതിന്റെ പേരില് ഹോട്ടല് ജീവനക്കാരെ മര്ദ്ദിച്ചത്. ബംഗാള് സ്വദേശിയായ ജിതിന്, പൂര്ണ്ണിമ, സോമന്, ഗീവര്ഗീസ് എന്നിവര്ക്കാണ് പരിക്കേറ്റത്. പത്തനംതിട്ട സെന്റ് പീറ്റേഴ്സ് കവലക്ക് സമീപത്തുള്ള ചിക് ഇന്സിലാണ് സംഭവം.
ഹോട്ടലിലേയ്ക്ക് ചിക്കന് െ്രെഫ വാങ്ങാനായി എത്തിയ ജിതിനോടും രണ്ട് കൂട്ടുകാരോടും പാകം ചെയ്യാനായി 25 മിനിറ്റ് സമയം വേണമെന്ന് ജീവനക്കാര് പറഞ്ഞു. എന്നാല് പത്ത് മിനിറ്റ് കഴിഞ്ഞ് തിരികെയെത്തിയ സംഘം വീണ്ടും ചിക്കന് ഫ്രൈ ആവശ്യപ്പെട്ടു. ഹോട്ടല് ജീവനക്കാര് നേരത്തെ പറഞ്ഞ സമയത്തെക്കുറിച്ച് ഓര്മിപ്പിച്ചപ്പോള് പ്രകോപിതനായ ജിതിന് ഇയാളുടെ കഴുത്തിന് പിടിച്ച് മര്ദിക്കുകയായിരുന്നു. തുടര്ന്ന് ബംഗാള് സ്വദേശികളായ മൂന്ന് പേരെയും ആക്രമിച്ചു. ബഹളം കേട്ട് പൊലീസ് സംഭവസ്ഥലത്തെത്തിയപ്പോള് ജിതിനും സുഹൃത്തുകളും പുറത്തേയ്ക്ക് ഓടി. ജിതിനെ പൊലീസ് ഓടിച്ചിട്ട് പിടികൂടുകയായിരുന്നു. പിന്നാലെ ജിതിന്റെ രണ്ട് സുഹൃത്തുകളും പിന്നാലെ സ്റ്റേഷനിലെത്തി. ഇവരേയും പോലീസ് കസ്റ്റഡിയിലെടുത്തു.
