തൊടുപുഴ: സംസ്ഥാനത്തെ ഏക ഗോത്രവര്‍ഗ പഞ്ചായത്തായ ഇടമലക്കുടിയില്‍ നാളെ മുന്‍ എംപി സുരേഷ് ഗോപി സന്ദര്‍ശനം നടത്തും. രാവിലെ 11ഓടെ ഇഡ്ഡലിപ്പാറക്കുടിയില്‍ എത്തുന്ന സുരേഷ് ഗോപിയെ ആചാരപരമായി സ്വീകരിക്കും. ആദ്യമായിയാണ് ഇടമലക്കുടിയിലേക്ക് സുരേഷ് ഗോപി എത്തുന്നത്. സന്ദര്‍ശനത്തിന്റെ ഭാഗമായി ഇടമലക്കുടിയിലെ 28 കുടിയിലേയും മൂപ്പന്‍മാരേയും സുരേഷ് ഗോപി ആദരിക്കും.
അതിനു ശേഷം കൂടിക്കാരുമൊത്തിരുന്ന് ഭക്ഷണം കഴിക്കും. കുടിവെള്ളം സംഭരിക്കുന്നതിനു വേണ്ടിയുള്ള കുളത്തിന്റെ നിര്‍മ്മാണത്തിനാവശ്യമായ സാമിഗ്രികള്‍ സുരേഷ് ഗോപി വിതരണം ചെയ്യുമെന്ന് ബിജെപി ജില്ലാ പ്രസിഡന്റ് കെഎസ് അജി അറിയിച്ചു. കഴിഞ്ഞ ജനുവരിയില്‍ ഇടമലക്കുടിയിലെ കുടിവെള്ള പ്രശ്‌നം പരിഹരിക്കുന്നതിനായി തന്റെ മകളുടെ പേരിലുള്ള ട്രസ്റ്റില്‍ നിന്ന് നിന്ന് 7 ലക്ഷം രൂപ ഇതിനായി അനുവദിച്ചിരുന്നു. ഈ തുക ഉപയോഗിച്ച് മൂന്ന് കി.മീ. അകലത്തില്‍ നിന്ന് ഇഡ്ഡലിപ്പാറക്കുടിയിലേക്ക് വെള്ളം എത്തിക്കുകയായിരുന്നു.
