തിരുവനന്തപുരം: സംസ്ഥാനത്ത് ശക്തമായ മഴക്ക് സാധ്യത. 10 ജില്ലകളില് ഓറഞ്ച് അലര്ട്ടും, നാല് ജില്ലകളില് യെല്ലോ അലര്ട്ടും പ്രഖ്യാപിച്ചു. തിരുവനന്തപുരം, കൊല്ലം, മലപ്പുറം, വയനാട് എന്നീ ജില്ലകളില് യെല്ലോ അലര്ട്ടാണ്. പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്, പാലക്കാട്, കോഴിക്കോട്, കണ്ണൂര്, കാസര്കോട് എന്നീ ജില്ലകളിലാണ് ഓറഞ്ച് അലര്ട്ട് പ്രഖ്യാപിച്ചിരിക്കുന്നത്.
മധ്യകേരളത്തിലും വടക്കന് ജില്ലകളിലും മഴ കനക്കും എന്നാണ് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. കടല്ക്ഷോഭ സാധ്യത കണക്കിലെടുത്ത് കേരള ലക്ഷദ്വീപ് തീരങ്ങളില് മത്സ്യബന്ധനത്തിന് ഏര്പ്പെടുത്തിയ വിലക്ക് തുടരുന്നു.
വിവിധ ജില്ലകളിലെ മഴ മുന്നറിയിപ്പ്
ഓറഞ്ച് അലര്ട്ട്
01-09-2022 : പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്, പാലക്കാട്, കോഴിക്കോട്, കണ്ണൂര്, കാസര്കോട്
02-09-2022 : കോട്ടയം, എറണാകുളം, ഇടുക്കി ഈ ജില്ലകളില് ഓറഞ്ച് അലര്ട്ടാണ് കേന്ദ്ര കാലാവസ്ഥ വകുപ്പ് പ്രഖ്യാപിച്ചിരിക്കുന്നത്.
യെല്ലോ അലര്ട്ട്
01-09-2022: തിരുവനന്തപുരം, പാലക്കാട്, മലപ്പുറം, വയനാട്
02-09-2022: തിരുവനന്തപുരം, കൊല്ലം, പത്തനംതിട്ട, ആലപ്പുഴ, തൃശ്ശൂര്, പാലക്കാട്, മലപ്പുറം, കോഴിക്കോട്
03-09-2022: കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, പാലക്കാട്, മലപ്പുറം
04-09-2022: കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, തൃശൂര്, മലപ്പുറം, കോഴിക്കോട്, കണ്ണൂര്, കാസര്കോട്
മോശം കാലാവസ്ഥ കേരള-കര്ണാടക-ലക്ഷദ്വീപ് തീരങ്ങളില് മത്സ്യബന്ധനം പാടില്ല
കേരള-ലക്ഷദ്വീപ് തീരങ്ങളില് ഇന്ന് (സെപ്തംബര് ഒന്ന്) മുതല് അഞ്ചുവരെയും കര്ണാടക തീരങ്ങളില് സെപ്തംബര് മൂന്നുമുതല് അഞ്ചുവരെയും മത്സ്യബന്ധനം പാടില്ല. ഇന്ന് മുതല് സെപ്തംബര് അഞ്ചുവരെ കേരള-ലക്ഷദ്വീപ് തീരങ്ങളില് മണിക്കൂറില് 45 മുതല് 55 കിലോമീറ്റര് വേഗതയിലും ചില അവസരങ്ങളില് മണിക്കൂറില് 65 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്ന് കേന്ദ്രകാലാവസ്ഥാ വകുപ്പിന്റെ മുന്നറിയിപ്പ്. കര്ണാടക തീരങ്ങളില് സെപ്തംബര് മൂന്നുമുതല് അഞ്ചുവരെ 40 മുതല് 50 കിലോമീറ്റര് വേഗതയിലും ചില അവസരങ്ങളില് മണിക്കൂറില് 60 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്.
ഇന്ന് (സെപ്തംബര് ഒന്ന്) മുതല് മൂന്നുവരെ കന്യാകുമാരി തീരം, ഗള്ഫ് ഓഫ് മാന്നാര്, തമിഴ്നാട് തീരം, ശ്രീലങ്കന് തീരം അതിനോട് ചേര്ന്നുള്ള തെക്കു-പടിഞ്ഞാറ് ബംഗാള് ഉള്ക്കടല് എന്നിവിടങ്ങളിലും സെപ്തംബര് നാലിന് ഗള്ഫ് ഓഫ് മാന്നാര് അതിനോട് ചേര്ന്നുള്ള തെക്കന് തമിഴ്നാട് തീരം എന്നിവിടങ്ങളിലും സെപ്തംബര് മൂന്നിനും നാലിനും കര്ണാടക തീരം അതിനോട് ചേര്ന്നുള്ള മധ്യ കിഴക്കന് അറബിക്കടല് എന്നിവിടങ്ങളില് മണിക്കൂറില് 40 മുതല് 50 കിലോമീറ്റര് വേഗതയിലും ചില അവസരങ്ങളില് മണിക്കൂറില് 60 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ട്. സെപ്തംബര് ഒന്നിനും അഞ്ചിനും തെക്ക് കിഴക്കന് അറബിക്കടല്, മാലിദ്വീപ് എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വേഗതയിലും ചില അവസരങ്ങളില് മണിക്കൂറില് 65 കിലോമീറ്റര് വരെ വേഗതയിലും ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നും മുന്നറിയിപ്പില് പറയുന്നു. ഈ സാഹചര്യത്തില് മേല്പ്പറഞ്ഞ പ്രദേശങ്ങളില് മുന്നറിയിപ്പുള്ള തീയതികളില് മല്സ്യബന്ധനത്തിന് പോകരുതെന്ന് ജില്ലാ കളക്ടര് ജെറോമിക് ജോര്ജ് അറിയിച്ചു.
