മുംബൈ: ബോളിവുഡ് താരങ്ങള്‍ ഇപ്പോള്‍ ഹിന്ദു ഉത്സവാഘോഷങ്ങള്‍ക്ക് ഒരു മറയുമില്ലാതെ അവരുടെ സമൂഹമാധ്യമ അക്കൗണ്ടുകളില്‍ ആശംസകള്‍ അറിയിക്കാന്‍ മടിക്കുന്നില്ല. ശ്രീകൃഷ്ണ ജന്മാഷ്മിക്ക് ആശംസകള്‍ നേര്‍ന്ന് അജയ് ദേവ്ഗണ്‍, ഹൃത്വിക് റോഷന്‍, അഭിഷേക് ബച്ചന്‍ എന്നിവര്‍ സന്ദേശങ്ങള്‍ പോസ്റ്റ് ചെയ്തു.
ശ്രീകൃഷ്ണന്‍ ഓടക്കുഴല്‍ വായിക്കുന്ന ഒരു ഗ്രാഫിക് വീഡിയോ ആണ് ഹൃത്വിക് റോഷന്‍ പങ്കുവെച്ചിരിക്കുന്നത്. ഒപ്പം ഒരു അഭിനന്ദന കുറിപ്പുമുണ്ട്:”ശ്രീകൃഷ്ണ ജന്മാഷ്ടമിക്ക് ഹാര്‍ദ്ദവമായ അഭിനന്ദനങ്ങള്‍”.
അജയ് ദേവഗണ്‍ ഒരു കുറിപ്പാണ് പങ്കുവെച്ചിരിക്കുന്നത്. “ശ്രീകൃഷ്ണന്‍ തേരാളിയായി നിങ്ങളുടെ ജീവിതത്തിലുണ്ടെങ്കില്‍, എല്ലാ പ്രയാസങ്ങളും എളുപ്പമായി തോന്നും. സന്തോഷകരമായ ജന്മാഷ്ടമി നേരുന്നു”- ഇതാണ് സന്ദേശം.
ഒരു ഓടക്കുഴലും മയില്‍പ്പീലിയും പ്രത്യക്ഷമാകുന്ന ഗ്രാഫിക് വീഡിയോ ആണ് അഭിഷേക് ബച്ചനും പങ്കുവെച്ചിരിക്കുന്നത്. അതില്‍ എല്ലാവര്‍ക്കും സന്തോഷകരമായ ജന്മാഷ്ടമിയാണ് താരം പങ്കുവെച്ചിരിക്കുന്നത്.
നടി മൗനി റോയി ഭഗവത് ഗീതയിലെ ശ്രോകങ്ങള്‍ ആലപിക്കുന്ന സ്വന്തം വീഡിയോയാണ് പോസ്റ്റ് ചെയ്തിരിക്കുന്നത്. രവീണ ടാണ്ടന്‍, അനുഷ്ക ശര്‍മ്മ, ആലിയ ഭട്ട് എന്നിവരും ജന്മാഷ്ടമി ആശംസകള്‍ നേര്‍ന്നു.
