തിരുവനന്തപുരം: ആക്രമിക്കപ്പെട്ട നടിക്കൊപ്പം ഉറച്ചു നില്ക്കുന്നുവെന്ന് നടന് പൃഥ്വിരാജ്. നടി അടുത്ത സുഹൃത്താണ്. ഇന്നും അവര്ക്കൊപ്പമാണ്. അവരില്നിന്ന് നേരിട്ട് വിവരങ്ങള് അറിയാമായിരുന്നു. ഈ പോരാട്ടത്തില് അവര്ക്കൊപ്പം ഉറച്ചു നില്ക്കുന്നു. വിജയ്ബാബുവുമായി ബന്ധപ്പെട്ട സംഭവത്തെക്കുറിച്ച് തനിക്ക് ധാരണയില്ല. എഎംഎംഎ യോഗത്തില് പങ്കെടുത്തില്ല.
വിജയ്ബാബു പങ്കെടുത്തതിനെക്കുറിച്ച് ഒന്നും പറയാനില്ലെന്നും പൃഥ്വിരാജ് വാര്ത്താസമ്മേളനത്തില് പറഞ്ഞു. ഒരു നടന്റെ പ്രതിഫലം കൂടുതലാണെന്ന് തോന്നിയാല് അയാളെ വച്ച് സിനിമ ചെയ്യേണ്ടെന്ന് നിര്മാതാക്കള്ക്ക് തീരുമാനിക്കാം. സ്ത്രീകള്ക്ക് തുല്യവേതനത്തിനുള്ള അര്ഹതയുണ്ട്. താരമൂല്യമാണ് പ്രതിഫലം തീരുമാനിക്കുന്നത്. പൃഥ്വിരാജ് പറഞ്ഞു.
കടുവ സിനിമയില് ഭിന്നശേഷിക്കാരെ അവഹേളിക്കുന്ന സംഭാഷണം മാറ്റിയെന്നും പൃഥ്വിരാജ് പറഞ്ഞു. സെന്സര് ബോര്ഡിന്റെ അനുമതിയടക്കമുള്ള നടപടികള് ആരംഭിച്ചു. ഒരിക്കല് കൂടി മാപ്പ് ചോദിക്കുന്നു, പൃഥ്വിരാജ് പറഞ്ഞു. സംവിധായകന് ഷാജി കൈലാസ്, നിര്മാതാവ് ലിസ്റ്റിന് സ്റ്റീഫന് തുടങ്ങിയവരും വാര്ത്തസമ്മേളനത്തിനെത്തിയിരുന്നു.
