മുംബൈ: സ്വതന്ത്ര സംഭാഷണവും ആത്മാവിഷ്കാരവും തടയുന്നു എന്ന പേരില്‍ പ്രധാനമന്ത്രി മോദിയ്‌ക്കെതിരെ പോര്‍വിളി നടത്തുന്ന എന്‍സിപി ഇപ്പോള്‍ ശരത് പവാറിനെതിരെ സമൂഹമാധ്യമങ്ങളില്‍ പോസ്റ്റിടുന്നവരെ വ്യാപകമായി വേട്ടയാടുന്നു. ഏറ്റവുമൊടുവില്‍ ശരത് പവാറിനെതിരെ ഫേസ്ബുക്കില്‍പോസ്റ്റിട്ട ബിജെപി വക്താവ് വിനായക് അംബേദ്കറെയാണ് എന്‍സിപി ഗുണ്ടകള്‍ മര്‍ദ്ദിച്ചത്.
വിനായക് അംബേദ്കറെ എന്‍സിപി ഗുണ്ടകള്‍ തല്ലുന്ന വീഡിയോ:
ഹിന്ദുദൈവങ്ങളെ വിമര്‍ശിക്കുന്ന ശരത് പവാറിന്റെ പ്രസംഗത്തിനെതിരെ മഹാരാഷ്‌ട്രയില്‍ പ്രതിഷേധം അലയടിക്കുകയാണ്. ഇതിന്റെ ഭാഗമായി വധഭീഷണിയുടെ ചുവയുള്ള വിദ്വേഷപോസ്റ്റിട്ട മറാഠി നടി കേതകി ചിതാലിയെയും യുവാവായ നിഖില്‍ ഭാമ്രെയെയും അറസ്റ്റ് ചെയ്തിരുന്നു. നടി കേതകി ചിതാലിയെ മെയ് 18 വരെ പൊലീസ് കസ്റ്റഡിയില്‍ വിടാന്‍ കോടതി ഉത്തരവിട്ടിരിക്കുകയാണ്.
ഓഫീസിലിക്കുകയായിരുന്ന വിനായക് അംബേദ്കറിനടുത്തേക്ക് ഒരു സംഘം എന്‍സിപി ഗുണ്ടകള്‍ എത്തി ശരത് പവാറിനെതിരെ ഫേസ്ബുക്കില്‍ നടത്തിയ പോസ്റ്റിനെക്കുറിച്ച് വിശദീകരണം ചാദിച്ചു. ക്ഷമയോടെ അതിന് ഉത്തരം പറയുന്നതിനിടയില്‍ ഗുണ്ടകള്‍ വിനായക് അംബേദ്കറെ അടിക്കുകയായിരുന്നു.
വാസ്തവത്തില്‍ തന്റെ ഫേസ്ബുക്ക് പോസ്റ്റിലെ അവസാന രണ്ട് വരികളുടെ പേരില്‍ വിനായക് അംബേദ്കര്‍ കഴിഞ്ഞ ദിവസം മാപ്പ് ചോദിച്ചിരുന്നു. എന്നാല്‍ ഇത് വകവെയ്‌ക്കാതെയാണ് എന്‍സിപി ഗുണ്ടകളുടെ അഴിഞ്ഞാട്ടം.
താന്‍ ഹിന്ദു ദൈവങ്ങളുടെ അച്ഛനാണെന്ന് ഒരു കവിതയിലെ വരികള്‍ ുദ്ധരിച്ച് ശരത്പവാര്‍ നടത്തിയ പ്രസംഗം ഏറെ വിവാദം സൃഷ്ടിച്ചിരുന്നു. ഇതിനെതിരെ വധഭീഷണിച്ചുവയുള്ള പോസ്ററുകളാണ് സമൂഹമാധ്യമങ്ങളില്‍ പരക്കുന്നത്.
