കോട്ടയം: ജില്ലയുടെ ഭരണസാരഥികളില് പ്രധാനികളായ ജില്ലാ കളക്ടറും എഡിഎമ്മും തമ്മില് പൊരിഞ്ഞ പോരാട്ടമായിരുന്നു. പാലാ മുനിസിപ്പല് സ്റ്റേഡിയത്തില് റവന്യൂ വകുപ്പ് കായികമേള ഉദ്ഘാടനം ചെയ്യാനെത്തിയ ജില്ലാ കളക്ടര് ഡോ. പി.കെ ജയശ്രീയും എഡിഎം എം.ജിനു പുന്നൂസുമാണ് ജീവനക്കാരെ കൗതുകത്തിലാഴ്ത്തി സൗഹൃദ പഞ്ചഗുസ്തി മത്സരം നടത്തിയത്. കോളേജ് പഠന കാലത്ത് യൂണിവേഴ്സിറ്റി തലത്തില് 4 ഃ 100 മീറ്റര് റിലേ മത്സരത്തില് പങ്കെടുത്തതിന്റെ ആത്മവിശ്വാസത്തിലാണ് ജില്ലാ കളക്ടര് ഡോ.പി.കെ ജയശ്രീ നാല് കിലോഗ്രാം ഭാരമുള്ള ഷോര്ട്ട്പുട്ട് ഉയര്ത്തി നോക്കിയത്. കാണികളുടെ പ്രോത്സാഹനം കൂടിയായപ്പോള് കളക്ടര് വീണ്ടും പഴയ അത്ലറ്റായി. ഷോര്ട്ട് പുട്ട് വീശിയെറിഞ്ഞു. സഹപ്രവര്ത്തകരുടെ പ്രോത്സാഹനത്തിന് മുന്നില് എഡി എം.ജിനു പുന്നൂസുമായി പഞ്ചഗുസ്തി സൗഹൃദ മത്സരത്തിലും പങ്കെടുത്താണ് കളക്ടര് മടങ്ങിയത് അത്ലറ്റിക്സ് മത്സരങ്ങള് കളക്ടര് ഫ്ലാഗ് ഓഫ് ചെയ്തു. 100 മീറ്റര്, 400 മീറ്റര്, 1500 മീറ്റര് ഓട്ട മത്സരവും, 4ഃ100 മീറ്റര് റിലേ, പഞ്ചഗുസ്തി, ലോങ് ജംപ്, ഷോര്ട്ട്പുട്ട് എന്നീ ഇനങ്ങളിലായി 75 പേര് പങ്കെടുത്തു. വിജയികള് മെയ് അവസാനം തൃശ്ശൂരില് വച്ച് നടക്കുന്ന സംസ്ഥാന റവന്യൂ വകുപ്പ് കായിക മേളയില് കോട്ടയത്തെ പ്രതിനിധീകരിച്ച് പങ്കെടുക്കും. സബ് കലക്ടര് രാജീവ് കുമാര് ചൗധരി, ഡെപ്യൂട്ടി കളക്ടര് (എല്എ) കെ.എ മുഹമ്മദ് ഷാഫി, റവന്യൂ വകുപ്പ് ഉദ്യോഗസ്ഥര് എന്നിവര് ചടങ്ങില് പങ്കെടുത്തു.
കളക്ടറും എഡിഎമ്മും തമ്മില് ‘പൊരിഞ്ഞ പോരാട്ടം’
കോളേജ് പഠന കാലത്ത് യൂണിവേഴ്സിറ്റി തലത്തില് 4 ഃ 100 മീറ്റര് റിലേ മത്സരത്തില് പങ്കെടുത്തതിന്റെ ആത്മവിശ്വാസത്തിലാണ് ജില്ലാ കളക്ടര് ഡോ.പി.കെ ജയശ്രീ നാല് കിലോഗ്രാം ഭാരമുള്ള ഷോര്ട്ട്പുട്ട് ഉയര്ത്തി നോക്കിയത്. കാണികളുടെ പ്രോത്സാഹനം കൂടിയായപ്പോള് കളക്ടര് വീണ്ടും പഴയ അത്ലറ്റായി.
ബലാബലം... പാലാ മുനിസിപ്പല് സ്റ്റേഡിയത്തില് റവന്യൂ വകുപ്പ് കായികമേള ഉദ്ഘാടനം ചെയ്യാനെത്തിയ ജില്ലാ കളക്ടര് ഡോ. പി.കെ ജയശ്രീയും എഡിഎം എം.ജിനു പുന്നൂസും സൗഹൃദ പഞ്ചഗുസ്തി മത്സരത്തില് പങ്കെടുത്തപ്പോള്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.