മുംബൈ: രാജ്യത്ത് വന്‍വിജയം കണ്ട ദ കശ്മീര്‍ ഫയല്‍സ് നിര്‍മാതാവും ചിത്രത്തില്‍ പ്രധാനവേഷം കൈകാര്യം ചെയ്ത നടി പല്ലവി ജോഷിക്ക് ജന്മദിനാശംസകളുമായി ഭര്‍ത്താവും ചിത്രത്തിന്റെ സംവിധായകനുമായ വിവേക് അഗ്നിഹോത്രി. ചിത്രം മൂന്നൂറ് കോടി ക്ലബില്‍ കടന്നതിന്റെ സന്തോഷത്തിന്റെ ഒപ്പമാണ് കുടംബത്തോടപ്പമുള്ള ചിത്രം പങ്കുവച്ച് വിവേക് ആശംസകള്‍ നേര്‍ന്നത്. ഇന്ത്യയിലെ ഏറ്റവും വിജയിയായ വനിതാ നിര്‍മ്മാതാവിന് ജന്മദിനാശംസകള്‍- വിവേക് അഗ്നിഹോത്രി ട്വീറ്റ് ചെയ്തു.
ദ കശ്മീര്‍ ഫയല്‍സിലെ നായകനായ അനുപം ഖേറിന്റെ കമന്റ് ഉള്‍പ്പെടെ ആയിരത്തിലധികം ആശംസകളാണ് പല്ലവിക്ക് ലഭിച്ചത്. ‘ഹാപ്പി ബര്‍ത്ത്‌ഡേ ഡിയര്‍സ്റ്റ് പല്ലവി. എന്തൊരു പിറന്നാള്‍ സമ്മാനമാണ് ദൈവം നിനക്ക് സമ്മാനിച്ചതെന്ന് അനുപം ഖേര്‍ കുറിച്ചു.
