ന്യൂദല്ഹി: വനിതാ ലോകകപ്പില് ദക്ഷിണാഫ്രിക്കയെ തകര്ത്ത് ഇംഗ്ലണ്ട് ഫൈനലില്. സെമിയില് 137 റണ്സിനാണ് ഇംഗ്ലണ്ട് വിജയിച്ചത്. ഡീനി വ്യാട്ടിന്റെയും സോഫി എക്കിള്സ്റ്റണിന്റെയും മികവിലായിരുന്നു ഇംഗ്ലണ്ടിന്റെ ജയം. ഫൈനലില് ഓസ്ട്രേലിയയാണ് ഇംഗ്ലണ്ടിന്റെ എതിരാളി.
ആദ്യം ബാറ്റ് ചെയ്ത ഇംഗ്ലണ്ട് എട്ട് വിക്കറ്റ് നഷ്ടത്തില് 293 റണ്സ് നേടി. ഡാനി വ്യാട്ട് 129 റണ്സ് എടുത്തു. സോഫിയ ഡങ്ക്ളി (60), എമി ജോണ്സ് (28) എന്നിവരും സ്കോര് ചെയ്തു. ദക്ഷിണാഫ്രിക്കയ്ക്കായി ഷാബ്നിം ഇസ്മായേല് മൂന്ന് വിക്കറ്റ് വീഴ്ത്തി. മറുപടി ബാറ്റിങ്ങിനിറങ്ങിയ ദക്ഷിണാഫ്രിക്ക 156 റണ്സിന് പുറത്തായി. ലിസല്ല ലീ (രണ്ട്), ലോറ വോല്വാര്ട്ട് (പൂജ്യം) എന്നിവര് തുടക്കത്തിലെ പുറത്തായി. ലാറ ഗുഡാള് (28), സുന് ലൂസ് (21), മിഗ്നണ് പ്രീസ് (30), മരിസെന് കാപ്പ് (21), ത്രിഷ ചെട്ടി (21) എന്നിവര് മാത്രമാണ് ഭേദപ്പെട്ട പ്രകടനം നടത്തിയത്. ഇംഗ്ലണ്ടിനായി സോഫി എക്കിള്സ്റ്റണ് ആറ് വിക്കറ്റ് വീഴ്ത്തി.
